Haersjtraot

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Krusing in Hièrewaeg mèt waegkruus

Hièrewaeg (Nederlands Heerstraat) is 'n gehuch vlakbie Iezere in de gemeinte Valkeberg aan de Geul op 't plateau in Zuud Limburg. Kómmende vanoet Mergraote, de Iezere waeg, langs de Lammerdel, nao Hièrewaeg (en wiejer via Sub nao Valkeberg), ligke hie de häöf en hoezer langs 'ne hièle ouwe verbingingswaeg. De naam geuf dat aan: de sjtraot van de hièr, in vreuger jaore hièrbaan geneump. In de buurt zouwe Romeinse urne zin opgegrave.

De nederzètting weurt doorkruus door 'n paar haol waeg. Op de sjplitsinge sjtoon waegkruzer. Eine van dees waeg ies 'ne andere ouwe verbingingswaeg van Mestreech euver Bemele, Gastes nao Sjuèlder en Gulpe. Ein boerderie op 't kruuspunt is geboewd van mergel aafgewisseld mèt baksjteine heuk en lieste.
Same mèt Iezere wone d'r 330 luuj in 2002.