Computernètwerk

E computernetwerk is, kort gezag, e systeim womit computers mit ein kalle. 't Belaangriekste veurbeild vaan e computernetwerk is 't internet, e groat netwerk tot is opgeboewd oet kleinder computernetwerke euver de ganse waeld. Anger computernetwerksysteime zin ATM en AppleTalk.

E computernetwerk is e veurbeild vaan ein kommunikaasjenetwerk. Anger kommunikaasjenetwerke zin beveurbeild het POTS (Plain Old Telephone System, ingelsj veur Gans Nemaal Tillefoon Systeim) wao eure vaste telefoon op aangesjlote zit, 't GSM-systeim, en 't HAM-radiosysteim.

Meistes zin computernetwerke opgeboewd mit e verdeiling in laoge. Veur dees laoge te omsjrieve zin modelle opgesjtild. E model tot väöl gebroek wurt in beuk is 't OSI-model, veurtot 't ram väöl laoge d'rin haet, zoa tot alle laoge daes te mesjiens waal wils gebroeke örges d'r in zitte.

Laoge

• Fysieke laog (Physical Layer) en Gegeiveslaog (Data Link Layer)

Dees laoge weure gebroek óm eine en nulle vaan de eine nao de angere kaantsj vaan eine kabel te kriege. 't Is daobie noch gareld neet belaangriek wie of tot die eine en nulle weite wo of tot zie haer motte; in dees laog gebruuk me daoveur 't principe vaan alles geit euveral nao toe.

• Netwerklaog (Network Layer)

Dees laog wurt vaan belang veur groater netwerke, wo 't probleem van "routing" veurkump. Routing is 't mechanisme tot me gebruuk om e sjtök gegeives de waeg te wieze. In 't telefoonsysteim gebruuk me hie e "circuit switched"-idee, wo bie 't begin vaan e gejsprek wurt vasgesjteld euver welk dräödsjes in welke centrales 't gaans gesprek geit gaon. In 't internet, en anger computersysteime, is 't gebrukelik om "packet switched" te wirke. Bie "packet switched" weure de gegeives opgesjplits in bunjelkes, de "packets", die ein veur ein apaart de waeg vunje. Zoa wurt 't muigelik om dynamisch in te sjpeile op verangeringe vaan 't netwerk.

• Transportlaog

• Toepassingslaog