Beatrix vaan de Nederlen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Beatrix vaan Oranje-Nassau
Keuningin vaan de Nederlenj
175px|center
In functie van	30 aprèl 1980
tót	30 aprèl 2013
Veurgegange door	Juliana
Opgevolg door	Kroenprins Willem-Alexander
Gebaore	31 jannewarie 1938
Gesjtórve	nog in laeve
Echgenoet(e)	† Claus von Amsberg
Religie	Nederlands Hervörmp

Beatrix Wilhelmina Armgard van Oranje-Nassau (Baarn, 31 januari 1938) is sinds 1980 Keuningin vaan de Nederlen. In dat jaor volgde ze häör mojer, keuningin Juliana, op. Häöre vaajer waor Prins Bernhard vaan Lippe-Bisterfeld.

Leve tot 1980

Es keend vaan twie jaor vlöchde ze mèt häör awwers nao Groet-Brittannië, later nao Canada, boe ze de oorlogsjaore doorbrach. Nao 't lyceum gong ze rechte studere in Leiden. In 1961 studeerde ze aof. In miert 1966 trojde Beatrix mèt d'n Duitse Claus von Amsberg, wat tot relle leide in Amsterdam. Claus bleek evels 'ne sympatieke maan, boedoor 't verzet gaw opheel. In 1967 woort Prins Willem-Alexander gebore; Prins Johan Friso en Prins Constantijn volgde in 1968 resp. 1969.

Keuningsjap

Regering

Juliana abdiceerde op 30 april 1980. Beatrix bleek 'n voorstin te zien die häör werk hiel serjeus naom. Dèks zeuk ze de grènze vaan wat kin binne de wèt. Um die eigensjap weurt ze wel ins mèt häör grammeer Wilhelmina vergeleke. Binne Haagse kring steit ze bekind um 'n oetgebreide dossierkennis. Ouch häören invlood op kabinètsformaties zouw groet zien. In miert 2012 evels naom de Twiede Kamer e wètsveurstèl aon wat de Keuning in 't vervolg boete de formatie moot hawwe. Heer of zij blijf wel hoof vaan de regering. Beatrix heet totnogtouw mèt veer premiers gewèrk: Ruud Lubbers (1980-1994), Wim Kok (1994-2002), Jan Peter Balkenende (2002-2010) en Mark Rutte (sinds 2010).

Op 28 jannewarie 2013 maakde ze bekind per 30 aprèl aonstoonde aof te trejje tot guns vaan häöre zoon.

Persoenlek

Op 6 oktober 2002 storf Prins Claus. Op 7 december 2003 woort häör ierste kleinkeend prinses Amalia gebore. In 2004 storve allebei häör awwers. In fibberwarie 2012 raakde prins Friso in coma nao e zwoer ski-oongelök.

Sinds 8 februari 2005 is ze ieredoctor aon de Leidse Universiteit.

Titels

De keuningin heet de volgende èrfeleke titels:

• Keuningin vaan de Nederlen
• Prinses vaan Oranje-Nassau en Lippe-Bisterfeld
• Markiezin vaan Veere en Vlissingen
• Hertogin van Limburg
• Graovin van Katzenelnbogen, Vianden, Dietz, Spiegelberg, Buren, Leerdam en Culemborg
• Börggraovin van Antwerpe
• Barones vaan Breda, Diest, Beilstein, de stad Grave, 't land van Kuuk, IJsselstein, Kraonendónk, Eindhove, Liesveld, Herstel, Warneton, Arlay en Nozeroy
• Vrijvrouw vaan Ameland
• Vrouw vaan Borculo, Bredevoort, Lichtenvoorde, Loo, Geertruidenberg, Klundert, Zevenbergen, Hoge en Lage Zwaluwe, Naaldwijk, Polanen, Sint Maartensdijk, Soest, Baarn, Ter Eem, Willemstad, Steenbergen, Mofert, Sankt-Vith, Buettgenbach, Niervaart, Daasburg, Turnhout, Besançon.