Idaho

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Veendel vaan Idaho

Idaho en de res vaan Amerika

Idaho is 'ne staot in de VS. De aofkorting is ID. De hoofstad is Boise. Bijnaome veur de staot zien Gern State en Potato State (eerappel staot).

Geografie

Idaho heet 'n oppervlak vaan 216.632 km² (1,0% water). Idaho grens in 't weste aon Washington en Oregon, in 't zuie aon Nevada en Utah, in 't ooste aon Montana en Wyoming. 't Zuie en midde vaan Idaho bevat 'n deil vaan de Rocky Mountains. De bekindste plaots in de Idaho-se Rocky Mountains is de Sawtooth Range. 't Hoegste punt vaan de Idaho Rocky mountains is de top vaan Borah Peak (3859 m).

Demografie

Idaho heet 1.393.262 inwoeners (6,04/km²). De mieste lui woene in 't noordweste en in 't zuie. De groetste stei vaan Idaho zien Boise, Pocatello en Idaho Falls.