Häör

Dit artikel is gesjreve (of begós) in 't Häörs. Laes hie wie v'r mit de versjillende saorte Limburgs ómgaon.

---

Häör (Officiële naom Horn) is e dörp inNederlands Limburg inne gemeente Leudaal. De naom kump oet 't Germaans (alternatieve spellinge: Hurnen, Hornin of Horne) en betiekent heuvel in moerassig landj. Häör is geboedj rondom 't Kastieël Häör, waat al in de elfde of twaolfde iew 'n belangrieke burcht waar aan de Maas, en waat laoter 't centrum van 't Graafsjap Horne zoj waere, tot 1568, toen de toenmaolige Graaf van Horne, Filips II van Montmorency, oppe Grote Marktj in Brussel wèr onthoefdj, waat 't begin zoj blieke te zien vaan de Nederlandse Opstandj taege Spaanje. 't Graafsjap èges bekoom evvel saer die terechstèlling de besjerming van 't preensbisdom Luuk en waoërt pas 'n deel van 't Koninkriek Nederland in 1839.

Tot 1991 waor Häör 'n zelfstandege gemeinte, daonao hoort 't tot 2007 bij Hale.