Nederrien (revier): Versjèl tösje versies

Van Wikipedia
Verwijderde inhoud Toegevoegde inhoud
YFdyh-bot (Euverlèk | biedrages)
K r2.7.3) (Robot: d'rbie: ka:ნიდერ-რაინი
ZéroBot (Euverlèk | biedrages)
K r2.7.1) (Robot: d'rbie: ru:Недеррейн
Tekslien 33: Tekslien 33:
[[pt:Rio Reno Baixo]]
[[pt:Rio Reno Baixo]]
[[ro:Nederrijn]]
[[ro:Nederrijn]]
[[ru:Недеррейн]]

Versie op 18 dec 2012 00:56

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Luip vaan de Nederrijn in Nederland; dit keertsje tuint allein 't stök nao de aofsplieting vaan d'n IJssel.
Nederrijn bij Arnhem.

De Nederrijn/Nederrien is 'n reveer in Nederland. 't Is ein vaan de tek vaan de Rijn in zienen oonderluip. Mèt Niederrhein weurt in Duitsland dèkser 't deil vaan de Rijn stroumaofwaarts vaanaof Dusseldörp gemeind.

Trajek

De Nederrijn is in Nederland evels noordtek vaan de Rijn, min of mie corresponderend mèt de oersprunkeleke hoofluip vaan de reveer, vaanaof de splieting mèt de Waal. Dees splieting vint plaots bij Millinge en Panningen (gemeinte Rijnwaarden), boe de Nederrijn nao rechs drejt en de Waal rechdoor struimp. De ierste paar kilometer stoon bekind es 't Pannerdens Kenaal. Zoe vaanaof Loo (gemeinte Duiven) vervolg de reveer zien oersprunkeleke bèdding. Bij Westervoort spliet ziech d'n IJssel vaan de Nederrijn aof; dee struimp rechsaof nao 't noorde, dewijl de Nederrijn linksaof nao 't weste geit. Bij Wijk bij Duurstede splits ziech de Nederrijn. Wiedoet 't mieste water struimp wijer door de Lek, dewijl e bitteke 't oersprunkelek Rijntrajek volg door de Kromme Rijn.

Langs groete deile vaan de Nederrijn zien kribbe aongelag.

Historie

De Nederrijn hètde aajdtieds gewoen Rijn; 'n gewoente die aonwoenende vaan de reveer trouwes höbbe aongehawwe. In de Romeinsen tied waor 't nog de hoofstroum vaan de Rijn, al waor de Waal ouch toen al 'n groete reveer. In de luip vaan de middeliewe woort de Nederrijn ummer minder belaankriek, tot ze in de zeventienden iew nog mer tien percint vaan 't Rijnwater verwèrkde. Dit begós de sjeepvaart te hindere en zörgde veur euverstruiminge. Daorum verlag me de bèdding vaan de reveer. De oersprunkeleke splitsing vaan Rijn en Waal laog tösse Spijk (gemeinte Lingewaal) en Lobith (gemeinte Rijnwaarden); noe woort, get wijerop, 't Pannerdens Kenaal gegraove. Sindsdeen geit weer e daarde vaan 't Rijnwater door de Nederrijn. De aw, aofgedamde bèdding weurt plaotselek Awwe Rijn geneump.

Sociaol geografie

De groetste stad aon de Nederrijn is Arnhem, wat mèt de Nederrijn weurt geassocieerd wie Nimwege mèt de Waal. Aander stei aon de reveer zien Wageningen en Rhenen; alledrei ligke ze op de rechterkant vaan de reveer. Landstreke aon de reveer zien de Betuwe (linkerkant) en de Rijnwaarden, Veluwe, Gelderse Vallei, Utreisen Heuvelrögk en Krómme Rijnstreek (rechterkant). De provincie ligk gooddeils allein in de provincie Gelderland, meh heet vaanaof Rhenen ziene rechterkant in de provincie Utrech ligke.

Versjèllende brögke ligke euver de Nederrijn: veer bij Arnhem (boe-oonder de John Frostbrögk), ein tösse Renkum en Heteren (gemeinte Overbetuwe) en ein tösse Rhenen en Kesteren (gemeinte Neder-Betuwe). Ouch gief 't poontvere bij Wageningen, Elst en Amerongen (allebei de lèste gemeinte Utrechtse Heuvelrug). Veur de binnevaart, in 't bezunder die op en vaan de Arnhemse industrie, is de reveer vaan groet belaank.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nederrien_(revier)&oldid=328564"