Zuid-Holland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Provincie Zuid-Holland

(Vlag van Zuid-Holland)
Hoofstad	D'n Haag
Commissaris vaan de Keuningin	Jan Franssen
Oppervlak  - Totaal  - Water	7e 2.944 km² ?%
Groetde nao inwoeners  - Totaal  - Diechheid	1e 3.451.942 (1 jan 2004) 1.225 inw./km²
Geografische ligking	52°08' NB 4°30' OL
Volksleed	Zuid-Hollands volkslied

Zuid-Holland is 'n provincie in Wes-Nederland. 't Is mèt aofstand de groetste provincie vaan Nederland nao inwoeners. Mier es de helf vaan de Randstad ligk hei. De meiste inwoeners zien geconcentreerd in en roond de kerne Leiden, D'n Haag, Rotterdam en Dordrech, die inmiddels bekans of gans aoneingegreujd zien. Mie landeleke gebeie zien 't Wesland, 't Greun Hart, De Hoekse Waard en Goeree-Overflakkee.

Gemeintes

Zuid-Holland kint sins de lèste herindeiling (2011) 72 gemeintes.

Alblasserdam Albrandswaard Alphen aan den Rijn Barendrecht Bergambacht Bernisse Binnenmaas Bodegraven-Reeuwijk Boskoop Brielle Capelle aan den IJssel Cromstrijen D'n Haag Delft Dirksland Dordrech Giessenlanden Goedereede Gorinchem Gouda Graafstroom Hardinxveld-Giessendam Hellevoetsluis Hendrik-Ido-Ambacht

Hillegom Kaag en Braassem Katwijk Korendijk Krimpen aan den IJssel Lansingerland Leerdam Leiden Leiderdorp Leidschendam-Voorburg Liesveld Lisse Maassluis Middelharnis Midden-Delfland Nederlek Nieuw-Lekkerland Nieuwkoop Noordwijk Noordwijkerhout Oegstgeest Oostflakkee Oud-Beijerland Ouderkerk

Papendrecht Pijnacker-Nootdorp Ridderkerk Rijnwoude Rijswijk Rotterdam Schiedam Schoonhoven Sliedrecht Spijkenisse Strijen Teylingen Vlaardinge Vlist Voorschoten Waddinxveen Wassenaer Westland Westvoorne Zederik Zoetermeer Zoeterwoude Zuidplas Zwijndrecht

In gein ander Nederlandse provincie zien zoeväöl gemeintes opgeheve en heringedeild es zjus in Zuid-Holland. In de negentiende iew had de provincie nog paar hoonderd gemeintes. Dit kump doortot de plattelandsgemeintes in dees provincie de rechsopvolgers zien vaan de ambshierlekhede in 't gebeed. Eder dörp en zelfs väöl gehuchte hadde oonder 't "ancien regime" 'nen eige hier gehad. Dit steit in tegestèlling tot beveurbeeld Friesland, boe me de vaanaajds groetsjaole grietenije mèt väöl neet-zelfstendege dörpkes tot gemeintes maakde. In 't Keuninkriek bleke de väöl landeleke gemeintes mèt mer e paar inwoeners neet te handhave. Daobij zien väöl dörper opgeslók door de ziech zjus in dees provincie ummer oetbreiende stei.

Veur de kortbij touwkóms stoon, veural in 't Greun Hart, nog e paar fusies op 't program. Zoe verdwijne woersjijnelek Waddinxveen (touw te veuge aon Gouda); Bergambacht, Nederlek, Ouderkerk, Schoonhoven, Vlist en mesjiens Krimpen a/d IJssel (fusie tot nui gemeinte Krimpenerwaard); Graafstroom, Liesveld en Nieuw-Lekkerland (fusie tot gemeinte Kinderdijk) en Dirksland, Middelharnis, Oostflakkee en mesjiens Goedereede (tot ofwel gemeinte Overflakkee, ofwel gemeinte Goeree-Overflakkee; Goedereede is veurluipeg tege). In de regel (Goedereede is 'n oetzundering) zien dees sameveuginge vrijwèlleg, d.w.z. mèt instumming vaan de gemeinteraode. 'n Klein gemeinte die ziech manifes tege herindeiling (i.c. mèt Leiden) verzèt is Zoeterwoude.

Zuug veur details de lies vaan geweze gemeintes in Zuid-Holland.

Externe link

• Officieel site vaan de provincie