Peter Paul Rubens: Versjèl tösje versies

Van Wikipedia
Verwijderde inhoud Toegevoegde inhoud
ZéroBot (Euverlèk | biedrages)
K r2.7.1) (Robot: d'rbie: pam:Peter Paul Rubens
EmausBot (Euverlèk | biedrages)
K r2.7.2+) (Robot: verangerd: az:Piter Paul Rubens
Tekslien 46: Tekslien 46:
[[ar:بيتر بول روبنس]]
[[ar:بيتر بول روبنس]]
[[arz:بيتر بول روبينس]]
[[arz:بيتر بول روبينس]]
[[az:Peter Paul Rubens]]
[[az:Piter Paul Rubens]]
[[bat-smg:Pėterės Pauls Robensos]]
[[bat-smg:Pėterės Pauls Robensos]]
[[be:Пітэр Паўль Рубенс]]
[[be:Пітэр Паўль Рубенс]]

Versie op 14 aug 2012 09:49

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Peter Paul Rubens, zelfportrèt oet 1628-1630.

Peter Paul Rubens (28 juni 1577 Siege (Duutsjlandj) - 30 mei 1640 Antwerpe) waor eine bekinde sjèlder en diplomaot oet de barok. Heer waor bekind in gans Europa en doog daan ouch väöl reise, meh heer verbleef veural in de stad Antwerpe.

Levesverhaol

Jäög

Rubens kraog ein humanistisch opveuding in Kölle. Zien vaajer, Jan Rubens, waor sjepeneer (bestuurslid) vaan Antwerpe gewees. Umtot zien vaajer protestants waor vlöch zien vaajer en zien meer (Maria Pypelinckx, dee oet Limburg kaom, Kuringe bij Hesselt) nao Duutsjlandj. Zien vaajer heet ein verhajding mèt Anna vaan Sakse. Wie me d'r achter kump weurt heer verbanne. Rubens' moojer mot allein veur 't gezing zörge. Later góng 't gezing in Antwerpe woene. Dao, in Antwerpe, geit heer in de lier bij sjèlders wie Tobias Verhaecht, Adam Vaan Noort en Otto vaan Veen. In 1598 heet heer zien opleiing voltoejd en weurt heer lid vaan de Sint-Lucasambach (dé sjèldersambach vaan de Neêrlande).

Italië

In 1600 vertrek heer nao Italië. In Venies beloert heer sjèlderije vaan Tiziano, Paolo Veronese en Tintoretto. Ouch treujt heer in deens vaan de hertog vaan Mantova, Vincenzo I Gonzaga. Mèt cent vaan de hertog maagk Rubens ein reis nao Roeme en Florèns in 1601. Doa bestudiert heer wèrk vaan de aw Grieke en Romeine en kopiëert heer wèrk vaan Italiaonse sjèlders. Heer raok bekind mèt 't wèrk vaan Caravaggio en sjèldert zien ierst altaorstök veur ein kèrk in Roeme. Veur de hertog geit heer op diplomatieke missie in Spanje bij Filip III. In Spanje krijg heer ouch versjèllende opdrachte, zoe wie 't portret vaan de hertog vaan Lerma. In 1604 kiert heer trögk nao Italië. Wie heer in 1608 huurt tot zien meer kraank is geit heer trök nao de Neêrlande. Oondaanks ziene wins kump heer noets mie in Italië.

Antwerpe

't binnekoer vaan 't Rubenshoes in Antwerpe.

Jaomer is zien meer al euverleeje wie heer trögk kiert in Antwerpe. Zjus roond dee tied braok ein gooje periood aon veur Antwerpe. In de tied vaan de Tachtigjaorige Oorlog besluut me in 1609 tot 't Twelfjaorig Bestand te oonderteikene. Doamèt braok einen tied vaan welvaart oet. In 't zèlfe jaor weurt heer benump tot hoofsjèlder vaan aortsjhertog Albrech vaan Oesteriek en zien vrouw Isabella vaan Spanje. Heer kreig touwstumming um in Antwerpe te woene en te wèrke in plaots vaan bij 't hoof vaan de aortsjhertog in Breussel Rubens trouwt ouch in Antwerpe mèt Isabella Brant (1591-1626). In 1610 laot Rubens 't Rubenshoes bouwe, wat ouch zien atelier weurt. 't Atelier vaan Rubens krijg väöl opdrachte, daorum sjèlderde Rubens déks allein de han en de geziechte, de res dede zien assistinte. Ein vaan zien groetste opdrachte kump vaan Maria de' Medici, keuningin vaan Frankriek, tösse 1621 en 1625. In 1626 euverleijd zien vrouw.

Diplomatie

Veur de aortsjhertogin wèrk heer ouch es diplomaot. Veur zien wèrk es diplomaot reist heer door gans de Neêrdande en bezuugk heer stei wie Bergen op Zoom, D'n Haog, Breussel, Luuk en Mestreech. Meh heer bezuug ouch Spanje (16281629) en Ingeland (1630). In beijer lan weurt heer geriddert.

Lètste jäör

In 1630 kiert heer trögk nao Antwerpe, boe heer hertrouwt mèt Hélène Fourment (16141673), toen pas zèsteen jaor aajd. 't Nuie gezing gaot op 't boerelandj, in Elewijt (bij Breussel), woene. In 1640 sterf heer leijend aon giech in 't Rubenshoes.

Gallerie

Commons
Commons
Op de pazjena Category:Peter Paul Rubens van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Peter_Paul_Rubens&oldid=317486"