Friesland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Provincie Friesland (Fryslân)

(Vlag vaan Friesland)
Officieel taole	Fries, Nederlands
Hoofstad	Leeuwarden
Commissair van de Keuningin	Ed Nijpels
Oppervlak  - Totaal  - Waoter	1e 5.741 km² 41%
Inwoeners  - Totaal  - Diechheid	8e 642.066 (1 jan 2004) 111 inw./km²
Geografische ligking	53°20' NB 5°78' OL
Volksleed	De âlde Friezen

Friesland (officieel Fryslân) is 'n provincie in 't noorde vaan Nederland. Nao oppervlak is 't de ierste provincie vaan Nederland, meh 41% vaan dat oppervlak is full-time of part-time water. De provincie grèns aon Groninge, Drente, Euverijssel, Flevoland en Noord-Holland. De provincie kint veer bewoende (Wadden-)eilen: Vlieland, Terschelling, Ameland en Schiermonnikoog.

Taole

Friesland is 't toesland vaan de twiede officieel taol in Nederland: 't Fries. 't Weurt door get mier es de helf vaan de Frieze gesproke. De Stellingwerve, 't zuidooste vaan Friesland, zien vaanajds neet Friestaoleg meh Saksischtaoleg. In de stei en groete plaotse die in de Renaissance veurnaom waore weurt sinds viefhoonderd jaor e Nederlands dialek gesproke: 't Stadsfries, dat erreg door 't Fries beïnvleujd is. Algemein Nederlands kump ummer mier in gebruuk ten koste vaan de versjèllende streektaole.

Gemeintes

Sinds 2011 kint Friesland nog 27 gemeintes. Boe de Friese naom officieel es en de Nederlandse traditioneel, is d'n ierste tösse häökskes gezat.

Achtkarspelen Ameland 't Bildt Boornsterhem (Boarnsterhim) Dantumadeel Dongeradeel Ferwerderadeel Franekeradeel Gaasterland-Sloten (Gaasterlân-Sleat)

Harlingen Heerenveen Kollumerland en Nieuwkruisland Leeuwarden Leeuwarderadeel Lemsterland Littenseradeel (Littenseradiel) Menaldumadeel Ooststellingwerf

Opsterland Scharsterland (Skarsterlân) Schiermonnikoog Smallingerland Súdwest-Fryslân Terschelling Tietjerksteradeel (Tytsjerksteradiel) Vlieland Weststellingwerf

De Friese gemeintestructuur waor altied al väöl groetsjaoleger es die in de res vaan 't land, umtot de Friese gemeintes vaan de negentiende iew de opvolgers waore vaan de èlf stei en de grietenije boe-oet 't gewes al iewelaank bestoont. Gei dörp is oets zelfstendeg gewees. Gemeinteleke herindeilinge vaan beteikenis, wie die in aander provincies dèks veurkoume, höbbe daodoor allein plaotsgevoonde in 1984 en 2011, wie de hiel groete fusiegemeinte Súdwest Fryslân op de kaart kaom. Gaasterland-Sloten, Lemsterland en Scharsterland dinke nog noa euver 'n fusie. Ouch de gemeinte Boornsterhem zouw mote verdwijne; de planne zien um de dörper per 2013 te verdeile euver de naobergemeintes.

Zuug veur e gans euverziech Lies vaan geweze gemeintes in Friesland.