Kaaimaneilen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Aan dit artikel weurt de kómmenden tied nog gewirk. Tot daen tied kan d'n inhaud van 't artikel veurnaam informatie misse of nog neet good in zie verbandj ligke.

Kaojmaanseilen
Gebeedsdeil van	Vereineg Keuninkriek
Basisgegaevens
Officieel taal	Ingels
Hoofsjtad	George Town
Sjtaotsvörm	Brits euverzies territorium
Sjtaotshoof	Elizabeth II
gouvernäör	Duncan Taylor
premier	McKeeva Bush
[[{{{titelhoofregering2}}}]]	{{{naamhoofregering2}}}
Opperflaakde – % water	264 km² 1,6%
Inwoeners – Deechde:	54.878 212/km²
Biekómmende gegaeves
Munteinheid	Kaojmaanseilen-dollar (KYD)
Tiedzaone	UTC -5
Nationale fiesdaag	ierste maondag in juli
Vouksleed	God save the King, Beloved Isle Cayman
Web | Code | Tel.	.ky | CYM | +1-345

De Kaajmaanseilen (Ingels: Cayman Islands) zien 'n klein arsjipel in de Caribische Zie die es euverzies gebeedsdeil oonder de Britse kroen vèlt. Ze ligke in 't weste vaan 't Caribisch gebeed, in relatief isolatie, hoonderde kilometers eweg vaan de kortbijste eilen. 't Gebeed is e belastingparadies; daodoor heet 't 'ne bleujende financiële sector opgebouwd en kint 't 'n hoeger levesstandaard es de aander Caribische len.

Bestuurleke indeiling

De Kaojmaanseilen weure verdeild in zes distrikte, die allein administratief weerde höbbe. Vijf daovaan ligke op Grand Cayman.

• George Town
• West Bay
• Bodden Town
• North Side
• East End
• Little Cayman en Cayman Brac

Fysische geografie

De Kaojmaanseilen ligke zuielek vaan Cuba en wesnoordwestelek vaan Jamaica; vaan allebei ligke ze hoonderde kilometers eweg. De eilen zien koelek 'n geografische einheid: in 't ooste ligke kort nevenein de eilendsjes Little Cayman en Cayman Brac, mier es hoonderd kilometer westeleker ligk Grand Cayman. De eilen bestoon oet leistein, aongevöld mèt koraol, en steke wieneg bove de zie oet. 'n Oetzundering is The Bluff op Cayman Brac, wat op 43 meter huugde kump.

Levende natuur

Zoogdiere zien op dees eilen (um begriepeleke reies) beperk tot zes saorte vleermuis, die dèks mèt Cuba en/of Jamaica weure gedeild, versjèllende ziezoogdiere en de Midde-Amerikaansen agoeti (Dasyprocta punctata), dee is ingeveurd. De veugel umvatte 230 soorte; boevaan 'rs 131 zeldzaom of daolgas zien, en twie endemisch: d'n Amerikaonse roedstart (Setophaga ruticilla) en 't Cubaons dikbeekske (Melopyrrha nigra). De roedougliester (Turdus ravidus) waor ouch endemisch (op Grand Cayman) en is oetgestorve. Versjèllende aander soorte koume boete de Kaojmaanseilen allein veur op Cuba en/of Jamaica. 'n Intrèssant reptiel is de blauwe leguaon (Cyclura lewisi), dee endemisch is op Grand Cayman en kritiek bedreig weurt.

Cultuur en demografie

De euvergroete mierderheid vaan de bevolking, die oongeveer 55.000 lui tèlt, woent op Grand Cayman; de aander twie eilen höbbe mer good 2.000 inwoeners.

Etnische gróppe

De Kaojmaanseilen kinne 'n groete diversiteit aon nationaliteite: oongeveer de hèlf vaan de bevolking is geine Kaojmaanseilander. Oongeveer 69% vaan de bevolking is creools.

Taol

De officieel taol vaan 't territorium is 't Ingels. De eilanders spreke dao 'ne variant vaan dee door Ethnologue neet es apaarte taol weurt gezeen, meh es Ingels dialek; dit in tegestèlling tot aander creooltaole in de regio.

Religie

De bevolking is in groete mierderheid christelek. Versjèllende genoetsjappe zien vertrooje, meh de presbyteraone en kathelieke zien de groetste gróppe.

Bronne

en:List of birds of the Cayman Islands, en:List of mammals of the Cayman Islands