Roufdiere

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Dit artikel geit euver de orde Carnivora. Veur (alle) diere die op aander diere jaoge zuug predator.

---

Roufdiere of Carnivora is de naom veur 'n orde vaan zoegdiere boetouw väöl uterlek sterk versjèllende diere behure. Oondaanks de naom zien neet alle (zij 't wel de mieste) bieste oet de orde vleiseters; väöl bere zien omnivoor en inkele, wie de reuzepanda, zelfs herbivoor. Ouch zien hiel väöl neet-verwante bieste ouch carnivoor (en ouch roufdier), wat tot verwarring tösse de orde en de ecologische markering kin veure.

De Roufdiere zien vrij groet en dèks hiel krachteg, boedoor ze ummer de of meistal aon d'n top vaan de voodselkette stoon.

Taxonomische indeiling

't Gief twie oonderordes mèt eder zes femilies, es me de oetgestorve soorte mètnump.

• Katechtege (Feliformia)
  • Katte (Felidae)
  • Mongoese (Herpestidae)
  • Civetkatte (Viverridae)
  • Hyena's (Hyenidae)
  • Palmcivetkatte (Nandiniidae)
  • Valse Sabeltandtiegers (oetgestorve) (Nimravidae)
• Hoondechtege (Caniformia)
  • Hun (Canidae)
  • Wasbere (Procyonidae)
  • Bere (Ursidae)
  • Hermeliene en Wezele (Mustelidae)
  • Stinkdiere (Mephitidae)
  • Pinnipedia
    • Walrus (Odobenidae)
    • Ziehun (Phocidae)
    • Oerrobbe (Otariidae)