Pinguïns

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Dees pingkwins springe oet 't water 't ies op

Pingkwins zien middelgroete tot groete neet-vlegende veugel die 't gehiel vaan de orde Sphenisciformes en de femilie oetmake. Ze leve allenei op 't Zuidelek Haafroond en meis in kösgebejer; de meiste soorte bringe e good deil vaan hun leve in 't water door. Mèt hun klein mer krachteg vleugele kinne ze neet vlege, meh dees lejer zien speciaal oontwikkeld veur oonder water te zwumme. Hun dieet besteit bekans oetsluitend oet vès en aander ziebieste. Allewel ze gemeinlik mèt Antarctica geassocieerd weure kómme sommege soorte zjus in de trope veur.

Pingkwins leve in gróppe vaan tientalle tot hoonderde of zelfs doezende exemplare, aofhenkelek vaan soort. Dèks breujt 't menneke 't ei oet of nump temeenste e deil vaan de verzörging vaan 't keend op ziech.

Soorte

• Geslech Aptenodytes
  • Keuningspingkwin (Aptenodytes patagonicus)
  • Keizerspingkwin (Aptenodytes forsteri)
• Geslech Pygoscelis
  • Ezelspingkwin (Pygoscelis papua)
  • Adeliepingkwin (Pygoscelis adeliae)
  • Keelstreippingkwin (Pygoscelis antarctica)
• Geslech Eudyptes
  • Rotssprinkpingkwin (Eudyptes chrysocome)
  • Fjordelandpingkwin (Eudyptes pachyrhynchus)
  • Snarespingkwin (Eudyptes robustus)
  • Mutspingkwin (Eudyptes schlegeli)
  • Kroenspingkwin (Eudyptes sclateri)
  • Macaronipingkwin (Eudyptes chrysolophus)
• Geslech Megadyptes
  • Geelougpingkwin (Megadyptes antipodus)
• Geslech Eudyptula
  • Dwergpingkwin (Eudyptula minor)
  • Witvleugelspingkwin (Eudyptula albosignata)
• Geslech Spheniscus
  • Afrikaanse pingkwin (Spheniscus demersus)
  • Maggelaanspingkwin (Spheniscus magellanicus)
  • Humboldtpingkwin (Spheniscus humboldtii)
  • Galapagospingkwin (Spheniscus mendisculus)