Nigeria

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Nigeria
Officieel taol	Ingels
Hoofstad	Abuja
Staotsvörm	Rippebliek
Staotshoof	Goodluck Jonathan (sinds 2010)
Groondgebeed % water	923.768 km² 1,4%
Einwoeners	133,8 miljoen
Munt	Naira (NGN)
Tiedzaone	UTC +1
Nationale fiesdaag	1 oktober
Volkshymne	Arise, o Compatriots, Nigeria's Call Obey
Landcode	NGA
TLD	.ng
Tillefoon	+234

Nigeria is e land in Wes-Afrika mèt wiedoet de groetste bevolking vaan Afrika en 'n groete versjeieheid aon bevolkingsgrope. In Nigeria vleujt de Niger in d'n Atlantischen Oceaan oet. Nigeria grèns aon Benin, Niger, Tsjaad en Kameroen. Hoofstad is Abuja, meh Lagos is väöl groeter es ikkenomisch nog ummertouw de belangriekste plaots.

Bestuurleke indeiling

Nigeria is ingedeild in 36 staote. De hoofstad Abuja vörmp e territorium op ziech.

Abia Adamawa Akwa Ibom Anambra Bauchi Bayelsa Benue Borno Cross River

Delta Ebonyi Edo Ekiti Enugu Gombe Imo Jigawa Kaduna

Kano Katsina Kebbi Kogi Kwara Lagos Nassarawa Niger Ogun

Ondo Osun Oyo Plateau Rivers Sokoto Taraba Yobe Zamfara

Demografie

Nigeria kint neet minder es 250 stamme. De veurnaomste zien de Haussa, de Peul, de Joruba, de Igbo en de Ijaw. Väöl vaan dees volker höbbe hun taol behawwe, meh de meiste kinne allewijl neet mier hun traditioneel religie: 't noorde is gans islamitisch, 't zuie christelek. Mer 10% hingk nog 'n traditioneel religie aon.

Historie

In de laote Middelieuwe en de Vreugmodernen Tied woort Nigeria gedómmeneerd door 't Kanem-Bornuriek. Pas in de late negentiende iew begós Groet-Brittannië interesse in 't gebeed te kriege en in 1901 woort 't protectoraat Nigeria opgeriech, wat in 1914 'n gewoen kolonie woort. Naotot vaanaof de jaore veerteg beweginge vaan nationalisme opkaome verkraog 't land op 1 oktober 1960 oonaofhenkelekheid. Zes jaor later kaom 't land oonder 'n militair dictatuur. Nao jaore vaan dictatuur en 'n guerilla vaan de Igbo's woorte in 1979 wier verkezinge gehawwe. Vaan 1983 tot 1999 waor Nigeria weer 'n dictatuur, bis d'n dictator nao jaorelang binnelandse en boetelandse pressie mós aoftrejje.

ak:Nigeria