Asterix

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Asterix de Galliër (Frans: Astérix le Gaulois) is 'n stripfiguur wat de hoofrol heet in de gelieknaomege stripverhaole. Oorsprunkelek woorte die vaan 1959 aof geteikend door Albert Uderzo en gesjreve door René Goscinny; nao Goscinny zienen doed in 1977 heet Uderzo de reeks allein veurtgezat. Asterix leef in e dörpke in Gallië, miebepaold Armorica (Bretagne), kort naotot dat door de Roemeine oonder Julius Caesar bezat is. 't Dörpke zelf evels is neet vereuverd, umtot de bewoeners mèt behölp vaan 'nen touverdraank de Roemeinse armee kier op kier weite te versloon.

De strips zien veural populair en bekind gewore um de drin verwèrkde humor: väöl woordgrappe, väöl knipouge nao de modèrnen tied en e groet aontal running gags.

Veurnaomste karakters

• Asterix, 'ne kleine kriegsmaan mèt 'ne Keltischen helm op ziene kop. De hoofpersoen vaan de verhaole.
• Obelix, de bèste vrund vaan Asterix, menhirhouwer. Groet en hiel dik, es keend in de ketel mèt touverdraank gevalle en daodoor permanint oonder invlood.
• Panoramix, d'n druïde, mèt 'ne lange baard, maak d'n touverdraank dee de Galliërs hun krach gief.
• Abraracourcix, in de nui Nederlandse vertaoling Heroïx, 't stamhoof, nogal dik en gruuts. Liet ziech ummer op e sjèld roonddraoge.
• Assurancetourix, in de nui Nederlandse vertaoling Kakofonix, de bard, dörpszenger en -diechter. Löp in e Keltisch geroet kleid en heet 't haor stief nao achter, woemèt zien versjijning e stök beter klop es die vaan beveurbeeld Obelix. Heer oondersjeit ziech veural doortot heer bezoonder slech zingk.
• Ordralfabetix/Kostunrix, de vèsmaan, verkoup rotte vèsse boe mie mèt gevochte es vaan gegete weurt.
• Cétautomatix/Hoefnix, de dörpssmeed, nogal aggressief, sleit dèks Assurancetourix veur de kop en vech gere mèt Ordralfabetix/Kostunrix. Iezer bewèrk heer mèt de bloete voes.

Wijers koume oonder mie Caesar en Cleopatra dèks in de verhaole veur.

Albums

De Asterix-albums zien in tientalle taole vertaold, woe-oonder ouch al väöl streektaole. Tot noe touw gief 't twie albums in 't Limburgs. Die stoon hei-oonder mèt hunne Limburgse naom aongegeve. Vaan de andere zien d'n orzjinele Franse naom en de Nederlandse naom aongegeve; es in de nui vertaoling vaan 2002 'n album 'nen andere naom gekrege heet stoon alletwie de naome in principe debij.

1. 1961: Astérix le Gaulois/Asterix de Galliër
2. 1962: La serpe d'or/Het gouden snoeimes
3. 1963: Astérix chez les Goths/Asterix en de Gothen
4. 1964: Astérix galdiateur/Asterix en de gladiatoren/als gladiator
5. 1965: 'ne Gansen toer... (La tour de Gaule/De ronde van Gallia)
6. 1965: Astérix et Cléopâtre/Asterix en Cleopatra
7. 1966: 't Titelgevech (Le combat des chefs/De kampioen/De strijd der stamhoofden)
8. 1966: Astérix chez les Bretons/Asterix en/bij de Britten
9. 1966: Astérix et les normands/Asterix en de Noormannen
10. 1967: Astérix légionnaire/Asterix en het 1e legioen/Asterix als legioensoldaat
11. 1968: Le bouclier arverne/Het ijzeren schild
12. 1968: Astérix aux Jeux Olympiques/Asterix en de Olympische Spelen
13. 1969: Astérix et le chaudron/Asterix en de koperen ketel
14. 1969: Astérix en Hispanie/Asterix in Hispania
15. 1970: La Zizanie/De intrigant
16. 1970: Astérix chez les Helvètes/Asterix en de Helvetiërs
17. 1971: Le domaine de dieux/De Romeinse lusthof
18. 1972: Les lauriers de César/De lauwerkrans van Caesar
19. 1972: Le Devin/De ziener
20. 1973: Astérix en corse/Asterix op Corsica
21. 1974: Le cadeau de César/Het geschenk van Caesar
22. 1975: La grande traversée/De grote oversteek
23. 1976: Obélix et Compagnie/Obelix en Co.
24. 1979: Astérix chez les Belges/Asterix en de Belgen

Hijnao zien nog 'n aontal albums door Uderzo allein gemaak; 't lèste kaom oet in 2005.

Trivia

• Bij 't oetkoume vaan dinkelek 't lèste album in 2005 brachde de Belzje gezètte Gazet van Antwerpen en Het Belang van Limburg 'n editie oet mèt in plaots vaan foto's euveral pleetsjes oet de Asterix-strips.

Externe link

• http://www.asterix.com