Wikipedia:De kaffee

Important: Please don't bother us with any translation requests for articles. These disrupt the ordinary work on this Wikipedia and are more often than not intended for POV pushing. If you do, this may result in an infinite block.

---

• li: Aanvraoge veur 'ne botvlag mótte op dees pagina gedaon waere. Deze wiki gebroek 't standaard botbeleid en steit wikiwiej bots en automatische goodkeuring van bepaolde types bot toe. Anger bots mótte zich hiejónger aanmelje en den toegank aanvraoge van 'ne steward es d'r gein taengesjtömme zeen.
• en: Requests for the bot flag should be made on this page. This wiki uses the standard bot policy, and allows global bots and automatic approval of certain types of bots. Other bots should apply below, and then request access from a steward if there is no objection.

Wilkóm in de kaffee Voog hie e nuuj berich toe Hie in de kaffee kans te kalle, praote, zjwetse, tatere, awhore, leutere, klasjenere euver al wat rillevant is veur ós projek en de Wikimedia-welt daoboete. Höbs te 'n vraog euver wie al hie functioneert, dan sjtil ze ós hie. Wils te aan 'n artikel of e gans projek beginne en mós te dao toewsjtumming veur höbbe, dan biste hie ouch op de gooj plaots. En intersante mitdeilinge zien natuurlik al eve wilkom. Hawt astebleef wel de Wikiquette in de gater: blief vruntelik, gank neet mitein sjelle of keke, wach röstig op 'n antwoord. Zoe hawte veer de Wikipedia e bitteke laefbaar.

In de Limburgse kaffee weurt natuurlik beer gesjöd, wien of 'n aelske gedrónke. Whisky en port zint ouch veurraodig, dus euver de grènze kieke doont veer toch waal. Veur de luuj, die geinen alcohol drinke is d'r koffie, thee en milk. Water, Sherry en champagne mótte veer nog bie de naober haole. Veur debie e sjtök vla of 'n waffel, huidvleisj of rommedoe op zjwart broad, 'n tas sóp, e bruèdsje mèt sjink, 'ne zoere hièring, e videeke of gewoon get neutsjes. Geneet, mer drink mit maote, en sjmiet neet mit aw reskes drank. "Alles mit maote", zag de snieder. Doe sloog 'r zie vrouw mit d'n èllestek. En natuurlik loestere v'r ónderwiel nao muziek of zinge gezellig same e leedsje mèt.

As te gei Limburgs sjpriks: Schroom niet om hier in het Nederlands te schrijven! Man kann hier auch auf Deutsch schreiben! N'hésitez pas à écrire en français ! You can write in English here! Jo kinne hjir ek yn it Frysk skriuwe! Je kunt hier ook in andere Nederlandse en Vlaamse streektalen schrijven! ...and we might even understand other Germanic or Romance languages. En as te waal Limburgs sjpriks, mer neet wits wies te 't kans sjrieve: probeer 't ins!

---

Zuug veur awwer discussies archief 2005, archief 2006 (1), archief 2006 (2), archief 2007 (1), archief 2007(2), archief 2008, archief 2009, archief 2010/11

ak:Wikipedia:Community Portal

Nog ins: de (her)spèlling vaan Belsj-Limbörgse plaotsnaome

Leef lui,

E tiedsje trök deeg iech e veurstèl um de spèlling vaan plaotse in Belsj Limbörg e bitteke aon te passe aon de Veldekespèlling. De sjriefwijs die v'r noe gebruke kump vaan 'n (intösse verdwene) site, boe 't sjijns à l'improviste waor gebäörd. Umtot geer neet massaol höb gereageerd, wèl iech dees ingriepende verandering nog ins aon de orde bringe ietot iech ze doorveur. Mèt aander wäörd: stao d'r achter 't herspèlle vaan de plaotsnaome wie iech op de geneumde paasj höb veurgestèld? Steinbach 20 sep 2011 20:02 (CEST)

Iech wis neet tot get wats diech op dien eige (sub)pagina sjrijfs e veurstèl waor, aongezeen 't weier volges miech nörges es zoedaneg is aongekondeg. Iech höb euveriges gein probleme demèt. Wie steit 't mèt de Belzje Veldekekringe? Gief 't geine dee dao kontak mèt heet of kin opnumme? Netuurlek moot dao neet te lang mèt/op gewach weure, aanders kump 'n verandering noets vaan de groond. - Pahles | zègk 't mer 20 sep 2011 20:35 (CEST)

Tsja.. Veldeke is neet officieel in Belsj. Weer zówwen ieës ech baeter mótte weite wie det vnl. belsje dichters etc. óp 't plat sjrieve veurdet weer hie alles ómgoeaje. Weer höbbe al zowiezo weinig (óp 't memènt gein) belsje gebroekers en es weer get gaon daon det gans taenge de gebroeke en euvereinkómste dao ingeit, den hove w'r d'r ouch neet mieë väöl d'r bie te verwachte. --OosWesThoesBes 20 sep 2011 21:10 (CEST)

@Pahles: Gans Belsj Limbörg is eine Veldekekrink. Iech höb in 't verleie al dèkser mèt die perbere contak op te numme, meh dat góng neet. @Owtb: Iech höb al aonwiezinge tot 't huieg lieske neet pareert mèt wat me plaotselek gewoen is. Lôneke is beveurbeeld plaotselek gewoen Laoneke en in de Veldekespèlling ouch. Iech zouw pleite veur e beleid wat v'r de facto al e tiedsje touwpasse: es 'nen dictionair besteit ('nen echte, gein idioticon!) mèt 'n apaarte spelling, hawwe v'r die aon, aanders gewoen Veldeke doorveure. Dictionaire höbbe ze ieg in Hasselt en Tóngere (mèt trouwes vrij zwoer aofwiekende spellinge). Steinbach 20 sep 2011 21:24 (CEST)

Det liek mich inderdaad e good idieë, meh den mótte v'r waal zorge det 't consequent gebeurdj en det dus alle pagina's óp 't Tóngers en Hessels ouch in die aafwiekendje spelling gaon staon. --OosWesThoesBes 21 sep 2011 05:13 (CEST)

Dao mote Hesseleers en Tungerlinge meh veur zörge. Alleh, iech mail nog eine kier achter Veldeke BL aon, es die weer niks melle daan daon iech 't. Steinbach 21 sep 2011 10:17 (CEST)

Noe nog sjoender! Veldeke Belsj Limbörg is sjijns gans opgeheve! 't Domein veldeke.be steit te koup en de hoofpaasj veldeke.net vermelt niks mie vaan 'ne Belsj-Limbörgse krink. Tristeg lui, de cultivatie vaan 't Limbörgs is dao 'ne weiken doed gestorve (en in Nederland raak 't ouch oet). PR-beleid vaan 't jaor nul, zeker... Wie daan ouch, 't zuut neet oet of iech 't nog iemes kin vraoge. Steinbach 21 sep 2011 10:24 (CEST)

Mesjiens hie? [[1]], besjteit 10 jaor. Mesjiens beter twiè sjpellinge gebruke t.a.v. Belzje plaatsname: Veldeke-sjpelling en eige sjpelling.--Aelske 21 sep 2011 19:55 (CEST)

Neet nujeg, de mieste dialekte weure neet dèks gesjreve en höbbe gein coherente spelling. Daan is vraoge um Veldekespelling neet zoe'n probleem. Allein Hasselt en Tóngere zien bottlenecks. Merci veur de link trouwes, iech höb intösse Veldeke NL gemaild meh iech verwach ierlek gezag gei vröchbaar antwoord. Steinbach 21 sep 2011 20:10 (CEST)

Die aw site kenste nog bekieke mèt de WayBackMachine van 't Internet Archief hie: de lies van dörper is den hie te vindje.BertK 26 nov 2011 01:34 (CET)

---

Iech höb Theo Van Dael oet Kinder, 'sikkretaris84.193.116.129 8 okt 2011 15:34 (CEST) vaan Veldeke Belsj, te pakke gekrege en häöm nao de spèlling vaan de lies gevraog. Heer meinde tot 't Kinders hei op Wikipedia neet vaan de bèste kwaliteit waor, meh heet niks gezag euver de aard vaan de lies boe iech häöm opaon leide. Iech trèk dao-oet daan mer de conclusie tot 't allemaol wel good zal zien. ⵙⵜⴰⵢⵏⴱⴰⵅ 27 sep 2011 12:44 (CEST)

Veur de gooj orde kómme (en um 't hie op wikipedia vas te lègke) hie de drie adresse van Veldeke-Belsj:

• Veldeke Belsj veurz. jos.boiten AON telenet PUNT be (sikkertaris Theo van Dael) teevee61AONtelenet punt be 84.193.116.129 8 okt 2011 15:34 (CEST)
• Veldeke As felixbergers AON hotmail PUNT com
• Veldeke Genk theo PUNT achten AON tele2allin PUNT be
• Veldeke Hasselt marco PUNT clerinx AON gmail PUNT com --Aelske 27 sep 2011 21:03 (CEST)

't Kinders (Kinrooi) dialek.

(Ter vervanging van 't bestaondje waat eigelik gei Kinders is)

Dit artiekel is gesjreve in 't Kinders. 't Weurtj gewaardeertj óm in dit artiekel 't Kinders aan te haoje of aan te gaeve welk anger dialek gebruuktj is.

                              Gemèndje Kinder

Bieësel - Kinder - Kaesing - Opove en Geistinge zeen vief kirkdörpe diej op 18 september 1971 gefuzjioneerdj zeen. Kinder tèltj nów 12.300 inwoeëners. Deze plattelandjsgemèndje is bekindj door zien windjmeules, nateurgebiede, beraegeningsproject, toerisme en waterrecreatie. En natuurlijk door zie wit goud: asgerges! In Bieësel, Kinder, Kaesing en Geistinge stóng e nonnekloeëster en de nonne stónge meistal in veur 't óngerwies van de lieëgere sjoeël. In Kinder waas 't Instituut 't Heilig Graf mèt eks- en interne ein sjoeël mèt bekindjheid. Mer de nonne (zösters of b'giene) zeen inne jaore sevetig vertrokke en vervange door juffe en meisters. Op 16, 17 en 18 september 2011 veerdje Kinder 't 40-jaorig bestaon van de fuziej mèt tal van fieëstelikhede.

VBL of Veldeke Belsj Limburg laeftj waal degelik en is nog good bestaondje. Offesjieel zeen wae de 12dje Kring van V-L mer d'n ieëste op 't Belsj. Felix Bergers oet As waas ein van oos ieëste lede en toen woeënachtig in Genk. Dao stichdje hae oos ieëste óngeraafdeiling: Veldeke Genk. Door zien stevige mètwirking kwaam Veldeke Hasselt tot standj. E paar jaor geleje ging d'r trök in zie geboortedörp As woeëne en stichdje dao Veldeke As. Gae zeetj...Felix is einen echte dialek-misjionaris! Door ómstandighede kwaam oze website Veldeke.be in 't gedrang en lete wae dae vare! (Steinbach haaj good gelaeze!!) Door ein neet te begriepe (waal te verklaore) reje zeen wae es VBL neet mieë opgenómme in de Vademecum 2010 en 2011 van V-L. Het nów besteur ónger leijing van Lei Pennings besjouwtj ós zoeë e bitje es boetestenjers ómdet wae neet funksjionere (laestj geldj opbringe) wiej de Nederlands Limburges kringe. Mer wae treure neet óm diej steefmoderlikke behanjeling. Inplaats van es 12dje Kring vernumdj te waere zeet Vademecum op blz 12 'Samewirking mèt België'. Wae laeve dus nog degelik en aevegood good. Oppe ieëstvolgendje VBL-vergadering van 26/11/11 zal ich 'r biej de leje op aandringe det ze alle plaatsname in 't dialek aanbringe. Kiektj ouch ins nao: mijnwoordenboek.nl/regio/kinrooi mvg teeveedee

Daag Teeveedee. De kins 't artikel zelf aonpasse, door bovenaon op 'bewirk' te klikke. Perbeer 'mer ins. ⵙⵜⴰⵢⵏⴱⴰⵅ 1 okt 2011 12:59 (CEST)

10 november in Bókriek.

't Is misjien neet gepastj óm hiej inne kaffee reklaam te make. Mer es t'r emes geïntresseerdj is óm ins get deftigs Belsj Limburgs dialek te beloestere en get grappigs mèt te make is dit het moment. Op dónderdig 10 november zullen ein aantal bekindje Limburgers in hun eige dialek eine speech aafstaeke oppe twieëdje ediesiej van DD (Dialek Diplóms) in Hangar 58 in Bókriek. Ouch VBL duit dao-aan mèt, mèt eine bokestandj en de groeëte, prachtige, interlimburgse VBL-dialek-kaart woe mèt/op versjillendje dialekspeule waere gehaoje. Armand Schreurs is daovan de bedinker tot behaod van de Limburgse dialekte. De opbringst geit nao EIN HART VEUR LIMBURG en de mert is ope vanaaf 17 ore. De inkómkaarte koste € 10 te rezervere biej info@eenhartvoorlimburg.be Dao zeen (mer) 600 plaatse besjikbaar! mvg teeveedee

Merci TVD. Aonkundeginge die mèt 't Limbörgs te make höbbe zien wmb welkom. De kins trouwes oonderteikene mèt veer tildes: ~~~~

Wienie is get e stumpke

Leef lui, iech wèl uuch wel ins hure euver de stumpkes. Gister maakde iech 't artikel Lek aon (jeh sorry, iech sjrijf noe eine kier gere euver Hollandse dinger), en markeerde dat es 'stumpke'. Iech deeg dat veural umtot iech voont tot 't langer kós. Idealiter, zoe vin iech, mote artikele hei zoe laank zien wie op de groeter Wikipedia's, aanders heet 't neet zoeväöl zin veur de Limbörgse Wikipedia te goon leze. Daorum markeer iech väöl artikele die iech later nog ins wèl oetbreie mèt {stumpke}.

Noe is 't evels wel zoe tot dat tot inflatie kin leie. Op väöl Wikipedia's stèlt me ziech bij e stumpke get aanders veur, mie in d'n trant vaan De Lek is 'n reveer in Nederland, 'n zijtak vaan de Rijn (vergeliek de Friese versie veur te zien wat iech mein). De Nederlandse Wikipedia heet es definitie vaan 'beginnetje' beveurbeeld: neet mier es drei feite. Zoe'n stumpkes höbbe v'r hei ouch wel, dewijl 't artikel in kwestie legio feite heet. Is 't 'n idee um 'n definitie vaan 'stumpke' op te stèlle, beveurbeeld neet mier es eine paragraaf? ⵙⵜⴰⵢⵏⴱⴰⵅ 7 okt 2011 13:06 (CEST)

Ich vinje zèlf Lek net get te groeat veur e stumpke. Ich dink det eine paragraaf inderdaad al hieël erg kórt inne buurt van e stumpke kump jao. --OosWesThoesBes 7 okt 2011 18:00 (CEST)

Iech ving 't prima, es de paragraaf dan mer neet te lank weurt ;). Eigelik ving iech de naam sjtumpke raar, want dat ies 'ne peuk of sjtuètsje of get wat ièrsj compleet waor en noe neet miè dus 't tegeneuvergesjtèlde wat hie bedoeld weurt. Mesjiens gewoon e kleinekeAelske 7 okt 2011 20:46 (CEST)

Inderdaad zien väöl stumpkes te groet veur e stumpke. Iech kin miech wel vinde in de gestèlde definitie. Mesjiens aanvank (AGL) neume? - Pahles | zègk 't mer 7 okt 2011 21:19 (CEST)

Deh, zien v'r dao-euver ins. Wat miech betröf maag 't gewoen sjtumpke blieve heite. 't Is neet vreemder es 't Ingels stub: dat is 'ne boumstrunkel en kin dus evegood d'n indrök geve tot 't oersprunkelek compleet waor. Dit is ingebörgerd wiki-jargon en 't slut ouch hiel good aon op 't internationaol (nou jeh, wikiwied) begrepe stub. De naom aanvank is druug en prozaïsch, en slut neet good aon op edereine zie Limbörgs (kriege v'r strak die discussie weer), dewijl s(j)tumpke veur edere Limbörger herkinbaar klink. ⵙⵜⴰⵢⵏⴱⴰⵅ 7 okt 2011 21:37 (CEST)

Stub in 'n Ingels beteikent zeker neet boumstroonk. Stub (in de Ingelse taol) weurt gebruuk um aon te geve tot 't 'n begin is, wat oetgebreid moot weure (boe 't daan ouch veur gebruuk weurt in Wikipedia). 't Weurt beveurbeeld ouch gebruuk in bepaolde programmeerumgevinge, boe-in otomatisch allerlei functies weure aongemaak op basis vaan e model, mer die nog ingevöld mote weure. 'ne Boumstroonk is in 't Ingels stump. Iech bin 't mèt diech ins tot Aanvank mesjiens neet de zjuste keus is. Veur miech hoof 't ouch neet persé gewijzeg te weure, es de definitie mer dudelek is. - Pahles | zègk 't mer 8 okt 2011 16:20 (CEST)

Ich vinj det weer "sjtumpke" mótte haje. I.t.t. "huidpazjena" geit 't hie óm get det herkinbaar is en tenminste oetzuut en klink. Daobie zit 't t'r noe bie de gebroekers in en zeen d'r gein gooj alternatieve. Wie Pahles 't inne lètse regel zag dus. --OosWesThoesBes 9 okt 2011 09:23 (CEST)

---

Noe tot v'r 't hei-euver ins zien gewore: de categorie zouw eigelek Sjtumpkes mote heite, miervoud. Iech höb evels geine zin veur dat bij hoonderde artikele aon te passe. Kin iemes dat mèt ziene robot doen, Pahles beveurbeeld? ⵙⵜⴰⵢⵏⴱⴰⵅ 13 okt 2011 21:08 (CEST)

Waor neet nudeg. Dit stoont in 't sjabloon, dus hoofde allein dao te weure aangepas (lang leve sjablone!). Weier nog de cat zelf aongemaak en de aw cat eweggegoejd... - Pahles | zègk 't mer 13 okt 2011 22:43 (CEST)

De Wikimedia Conferentie 2011 komt eraan!

Hallo allemaal!

Op zaterdag 5 november organiseert de Vereniging Wikimedia Nederland in Utrecht de jaarlijkse Wikimedia Conferentie Nederland!

De Wikimedia Conferentie wordt voor de vijfde maal georganiseerd en ook dit jaar hebben we weer een goed gevuld programma met diverse sprekers omtrent de thema's wiki's en Cultureel Erfgoed. Zo kun je meer te weten komen over de toekomst van gadgets voor Wikipedia, de meerwaarde van het vrijgeven van fotocollecties en kun je leren over het gebruik van sjablonen en categorieën. Aan het einde van de dag zal de prijsuitreiking van de in september georganiseerde fotowedstrijd Wiki Loves Monuments zijn, waarvoor je ook van harte bent uitgenodigd.

De conferentie vindt plaats van 9.30 tot 18.00 bij Media Plaza op Hoog-Catherijne in Utrecht (direct naast het Centraal Station!). Vanaf 15.00 uur is de conferentie vanwege de prijsuitreiking vrij toegankelijk.
Verenigingsleden krijgen bij ons uiteraard een speciale korting op de toegangsprijs. Nog geen lid? Maak dan gebruik van de mogelijkheid om je via de voorinschrijving kostenloos in te schrijven voor 2011 èn 2012!

Ga voor meer informatie naar wikimediaconferentie.nl en schrijf je in!

Tot op 5 november! Ciell 20 okt 2011 10:01 (CEST)

Foto's drieje?

Hallo, wae kan mich zigke wie 'ch geuplaode foto's 'n kwartsjlaag mòt drieje?--Mergelsberg 24 okt 2011 13:38 (CEST)

Neet es ze al geüpload zeen. Ich perbeer 't waal efkes. --OosWesThoesBes 24 okt 2011 14:09 (CEST)

Merci! Wie dees-te dat?--Mergelsberg 24 okt 2011 14:13 (CEST)

Dao höb ich e progremmaeke veur oppe computer wo se geweun óp linksóm drejje en rechsóm drejje kins klikke. Steit wersjienlik standerd op Windows :) --OosWesThoesBes 24 okt 2011 14:43 (CEST)

Merci!--Mergelsberg 24 okt 2011 15:19 (CEST)

Terms of Use update

I apologize that you are receiving this message in English. Please help translate it.

Hello,

The Wikimedia Foundation is discussing changes to its Terms of Use. The discussion can be found at Talk:Terms of use. Everyone is invited to join in. Because the new version of Terms of use is not in final form, we are not able to present official translations of it. Volunteers are welcome to translate it, as German volunteers have done at m:Terms of use/de, but we ask that you note at the top that the translation is unofficial and may become outdated as the English version is changed. The translation request can be found at m:Translation requests/WMF/Terms of Use 2 -- Maggie Dennis, Community Liaison 27 okt 2011 03:03 (CEST)

Artikele sjrieve en leze

Daag lui,

't Ligk e bitteke stèl allemaol heh? Pak mer ins greujciefers vaan noe en vaan veurgoonde jaore/maonde, dao sjrikste toch wel vaan. Zuug allein mer wie kort de sprunk vaan 5000 nao 6000 artikele heet gedoord, en wie laank tot 't noe al doort veur aon de 7000 te koume. 't Liek wel of 't allein nog mer op nui gebrukers aonkump, die vervolges nao e tiedsje weer weggoon en de Wikipedia weer in de slaopstand zètte.

Is 't neet good um tösse us oonderein es actief gebrukers aof te spreke tot v'r minstes ein artikel per week sjrieve? Dat hoof gein zieë vaan tied te koste, gewoen eve örges 'n eurke of twie vrijmake veur 'n planetoïed, 'ne sjèlder, e dörpke in Belsj Limbörg, e monumint in 't Heuvelland, n'importe wat. En: laote v'r daan ouch es dames en hiere oonderein aofspreke veur de aander zien artikele te goon leze. Daan kin eint vaan de bezwoere tege 't wèrke aon de Limbörgse Wikipedia - 't geveul tot me, op z'ch Jiddisch gezag, veur koefnoen zit te sjrieve - al e bitteke weure opgeheve, en dat garandeert direk tot me ziech oonderein controleert op kwaliteit vaan vörm en inhaajd. ⵙⵜⴰⵢⵏⴱⴰⵅ 15 nov 2011 12:28 (CET)

Iech wèl miech neet aon zoe'nen aofspraak commitere. Iech lees wel (bijnao) alles wat gesjreve weurt, mer iech kin neet belaove tot iech eder week get gaon sjrieve. 't Is op dit momint helaas neet aanders. Mesjiens tot iech binnekort mie tied höb. Iech kin miech evels neet in twieë spliete (ouch al zouw dat soms good oetkoume). - Pahles | zègk 't mer 16 nov 2011 15:16 (CET)

Inderdaad, ich laes zowiezo alle pagina's die mit taal te maken höbben en ouch alle anonieme biedrages. Mer ein artikel inne waek det kin ouch ónneet belaove. 't Kin 'n richlien zeen, meh gein verspraeking. Wiejer kin ich mich nag hèrinnere det oeats emes gezag had det Mofers boeteproportioneel vertaengewuuerdig is op Wikipedia... --OosWesThoesBes 16 nov 2011 18:11 (CET)

Jao 'n riechlien, dat is wel 't idee. Meh es iech dat vaan Mofert al oets gezag höb, daan lèkste noe mien wäörd verkierd oet. Op Wikipedia moot neet minder Moferts koume, die vaan aandere plaotse mote gewoen ouch actief weure :) ⵙⵜⴰⵢⵏⴱⴰⵅ 16 nov 2011 18:39 (CET) PS.: 't Einege wat iech miech kin rappelere is vaan oets te höbbe gezag: 'laot dit artikel mer Remuns, want dao höbbe v'r nog neet zoeväöl vaan.

Good, 'n richlien mót waal te doon zeen - althans veur mich, ich kin netuurlik neet veur anger luuj spraeke. Doe bös neet d'n ènsigste dae dao get euver gezag haet, daoróm höb ich neet specifiek diene naam geneump. Ich vrieës det 't dialekgeveul in sommige Limburgse plaatse noe einmaol stèrker is es in anger plaatse en in Mofert bliek 't toch bès waal stèrk dao te zeen :) --OosWesThoesBes 16 nov 2011 18:44 (CET)

Wikipedia:Gebroekers nao dialek (belaankriek!)

Daag lui, 't zouw sjiek zien es d'r dit allemaol eve veur eur eige invölt. Op dees paasj kinne v'r trökvinde wee vaan us wat veur dialek sprik, wat hendeg is wienie beveurbeeld artikele mote weure aongepas. Iech bin neet gekwalificeerd um andere op die lies te zètte, dus iech reken op uuch :) ⵙⵜⴰⵢⵏⴱⴰⵅ 17 nov 2011 22:27 (CET)

Ich zal 'ns kieke :) --OosWesThoesBes 18 nov 2011 06:59 (CET)