Greunte

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Fleurige greuntekraom mèt citroeëne, tomatte, augurke, sjpinaat, krulandieve, erpel, advokado's, courgètte, venkelknolle, aubergines, unnepiepe, roeëj sjlaat, iesbaergsjlaat, komkommers, paprika's, brussels lof, champignons, gemberknolle en knoflook.

Greunte is 't aeëtbaar dèèl van 'n plaant en greuntes kinne gaans versjèjje kleure ha. Väöl greunte is pas aeëtbaar nao verhitting. Greuntes die zoonder te kaoëke te aeëte zeunt neumt me rauwkós.

Indeling va greuntes

Aafhaankelek van 't deel van de plaant dat aeëte wert, kan me greuntes indele nao:

• blad
• sjtengel, sjtengelknol en sjtiel
• wortel en wortelknol
• bloom
• peulvruchte
• vlezjige vruchte

Greunte en gezoondhèèd

Greunte en freut vorme same èè vak in de Sjief va vief. Eedere daag greunte en freut aeëte is dus good väör de gezoondhèèd.