Geslachskrenkde

Propagandaposter oet WOII, geriech aon Amerikaanse soldaote, dee waarsjouwt tege geslachskrenkdes.

'n Geslachskrenkde, ouch bekind es venerische krenkde, SOA (seksueel euverdraagbaar aondoening, oet 't Nederlands), STI (seksueel euverdraagbaar infectie, oet 't Ingels) of sjaanker, is 'n infectiekrenkde of 'n parasitair krenkde die inkel of veurnaomelek door seksueel contak weure euvergedrage. Dit contak kin zoewel vaginaal es anaal of oraal zien. Dèks, meh laank neet altied, geit 't um krenkdes die (veural) 't gemech of vrouwelek geslach trèffe. Sommege höbbe ingriepende gevolge wienie me ze neet behandelt.

De begrippe SOA en STI zien neet perceis 'tzelfde: es eine neet kraank weurt, meh wel 'ne pathogeen bij ziech dreug, heet heer gein SOA meh wel 'n STI.

Soorte geslachskrenkdes

Bacterieel krenkdes

• Chlamydia, door Chlamydia trachomatis
• Donovanosis, door Klebsiella granulomatis
• Druper (gonorrhoe), door Neisseria gonorrhoeae
• Syfilis, door Treponema pallidum
• Weike sjaanker (ulcus molle), door Haemophilus ducreyi

Käömekrenkdes

• Candidiase (gessjummel)
• Tinea cruris

Viraol krenkdes

• AIDS, door 't HIV
• Genitaole herpes (herpes simplex)
• Hepatitis B, ouch wel A en E
• HPV-gerelateerde krenkdes wie baarmojerhalskaanker en genitaol vratte
• Watervrattele (molluscum contagiosum)

Protozoïsche krenkdes

• Trichomoniase

Parasitair krenkdes

• Sjaamlous (Pthirus pubis)
• Sjörf (scabies), door Sarcoptes scabiei

Aan dit artikel weurt de kómmenden tied nog gewirk. Tot daen tied kan d'n inhaud van 't artikel veurnaam informatie misse of nog neet good in zie verbandj ligke.