Haarlemmermeer: Versjèl tösje versies

Van Wikipedia
Verwijderde inhoud Toegevoegde inhoud
Luckas-bot (Euverlèk | biedrages)
RobotQuistnix (Euverlèk | biedrages)
Tekslien 48: Tekslien 48:
[[pl:Haarlemmermeer]]
[[pl:Haarlemmermeer]]
[[ro:Haarlemmermeer]]
[[ro:Haarlemmermeer]]
[[ru:Харлеммермер]]
[[ru:Хаарлеммермеер]]
[[sl:Haarlemmermeer]]
[[sl:Haarlemmermeer]]
[[sv:Haarlemmermeer]]
[[sv:Haarlemmermeer]]

Versie op 20 okt 2010 02:10

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan de gemeinte Haarlemmermeer

De Haarlemmermeer is 'ne polder en 'n gemeinte in de Nederlandse provincie Noord-Holland, gans in 't zuide. De gemeinte besleit 'n oppervlak vaan 185,31 km², woevaan 5,28 km² water. 't Aontal inwoeners bedräög 133.110 per 1 juni 2005; daomèt is 't de groetste neet-steideleke gemeinte vaan Nederland. De gemeinte umvat de kèrne Aalsmeerderbrug, Abbenes, Badhoevedorp, Beinsdorp, Boesingheliede, Buitenkaag, Burgerveen, Cruquius, Hoofddorp, Leimuiderbrug, Lisserbroek, Lijnden, Nieuw-Vennep, Oude Meer, Rijsenhout, Rozenburg, Vijfhuizen, Weteringbrug, Zwaanshoek en Zwanenburg.

Gemeintefuncties

De Haarlemmermeer besteit vaan oorsproonk veural oet landbouwgroond en nog ummertouw is dat 'ne veurnaomen ikkenomsiche factor. Vaan mie beteikenis evels is de lochhave Sjiphol dee in dees gemeinte ligk. De plaotse Hoofdorp, Nieuw-Vennep en Badhoevedorp zien sterk versteidelek door Amsterdamsen euverloup en beie väöl werk in de deenstesector aon.

De otosnelwege A4, A5, A9 en A44 loupe door de gemeinte, wie ouch de spoorweeg vaan Amsterdam nao Leie.

Aonziech vaan de gemeinte

Oondanks de lankzaam versteideleking en de lochhave heet de Haarlemmermeer nog ummer e good landelek karakter. In de Haarlemmermeerse Bos hèlt me dèks eveneminte, wie in 2002 nog de Floriaad. Wijers stoon vief aw forte in de polder es oonderdeil vaan de Stèlling vaan Amsterdam en weure de gemaole die de polder droeggelag höbbe wel opegestèld.

Historie

De Haarlemmermeer waor in de Middeliewe e klein pleske bij Haarlem mèt 'ne törfechtegen over. In de loup vaan de jaore evels woort 't door (dèks illegale) törfwinning en slechte bedijking ummer groeter en smolt 't same mèt de ouch gegreujde mere 't Leidsemeer en 't Spierinckmeer. In de zeventiende iew had 't oongeveer zien huideg gruutde bereik. De bekinde Leeghwater, dee al de mere in 't Noorderkerteer vaan Holland had druuggelag, maakde planne veur ouch dit meer in te poldere; heivoor zouwe neet minder es 200 meules veur nujeg zien. De State vaan Holland weigerde 'm dit, neet allein vaanwege de koste meh ouch door 'ne lobby tege 't druugmake door de vèssers en de sjippers (Haarlem en Leie onderhoolte 'n bootverbinding euver 't water).

't Meer waor evels zoe groet tot zelfs sjeper drop vergónge en de stei en dörper die draon laoge woorte bij edere zwoere störm bedreig. In 1837 besloot keuning Wöllem I tot inpoldering vaan de Haarlemmermeer. Dit voont plaots vaan 1849 tot 1852.

Nao 't druugvalle vaan de Haarlemmermeer vestegde ziech inderdaod de verwachde boere. Toch leverde de polder nog wel probleme op, mèt naome door euvertolleg water. De leislui bij 't make vaan de polder hadde naomelek wel vaarte en tochte laote grave meh gein slote; dat leet ze aon de boere zelf euver, die dat vervolges neet dege. In 1855 woort de Haarlemmermeer 'n gemeinte. De twie ierste dörper woorte Kruisdorp (later Hoofddorp) en Venneperdorp (later Nieuw-Vennep). In de twintegste iew versteidelekde e deil vaan de gemeinte door de koms vaan Sjiphol.

Gebore in de Haarlemmermeer

Externe link

 
Provincie Noord-Holland
Vaan van Noord-Hollandj

Aalsmeer · Alkmaar · Amstelveen · Amsterdam · Bergen · Beverwijk · Blaricum · Bloemendaal · Castricum · Den Helder · Diemen · Dijk en Waard · Drechterland · Edam-Volendam · Enkhuizen · Gooise Meren · Haarlem · Haarlemmermeer · Heemskerk · Heemstede · Heiloo · Hilversum · Hollands Kroon · Hoorn · Huizen · Koggenland · Landsmeer · Laren · Medemblik · Oostzaan · Opmeer · Ouder-Amstel · Purmerend · Schagen · Stede Broec · Texel · Uitgeest · Uithoorn · Velsen · Waterland · Wijdemeren · Wormerland · Zaanstad · Zandvoort

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Haarlemmermeer&oldid=233903"