Oejevaars

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Jóng storke op 't nes

Storke of Ciconiidae zien 'n femilie vaan Veugel oet de orde Storkachtege (Ciconiiformes) die in de meiste tropische, subtropische en gemategde len veurkoume. Väöl soorte doon aon vogeltrèk. De witte en de (aof en touw) de zwarte stork zien zoe allein zomers in Nederland en 't Bèlsj te zien. 't Zien groete veugel, mèt lang pu en lang halze. Ze höbbe geine syrinx en kinne gei keelgeluid producere; veur ziech kinbaar te make kleppere ze mèt hunne snavel. Ze vlege dèks zweventere door de loch, zoetot ze - wie ouch albatrosse - weineg energie gebroeke.

Taxonomie

STORKE (CICONIIDAE)

• Geslech Mycteria
  • Mèlkstork (Mycteria cinerea)
  • Geelsnavelstork (Mycteria ibis)
  • Bonte stork (Mycteria leucocephala)
  • Houtstork (Mycteria americana)
• Geslech Anastomas
  • Aziatischen opesnavelege stork (Anastomas oscitans)
  • Afrikaansen opesnavelege stork (Anastomas lamelligerus)
• Geslech Ciconia
  • Abdimstork (Ciconia abdimii)
  • Bisjopsstork (Ciconia episcopus)
  • Stromstork (Ciconia stormi)
  • Maguaristork (Ciconia maguari)
  • Oosteleke witte stork (Ciconia boyciana)
  • Witte stork (Ciconia ciconia)
  • Zwarte stork (Ciconia nigra)
• Geslech Ephippiorhynchus
  • Zwartnekstork (Ephippiorhynchus asiaticus)
  • Zadelbekstork (Ephippiorhunchus senegalensis)
• Geslech Jabiru
  • Jabiru (Jabiru mycteria)
• Geslech Leptoptilus
  • Kleinen adjudantsvogel (Leptoptilus javanicus)
  • Groeten adjudantsvogel (Leptoptilus dubius)
  • Maraboe (Leptoptilus crumeniferus)