Noors

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

't Noors is 'n Noordgermaanse taol die door vief miljoen lui in Noorwege gesproke weurt. Wie 't Deens en 't Zweeds heet de taol ziech in de Middelieuwe oet 't Ajdnoors oontwikkeld, meh is mèt die aander twie verstooonbaar gebleve. 'n Belangriek versjèl mèt 't Deens en 't Zweeds is 't behajd vaan 't versjèl tösse manneleke en vrouweleke wäörd. Sjus wie 't Zweeds en aanders daan 't Deens is 't Noors 'n toentaol. 't Heet twie toene, 'ne hoege en 'ne lage.

't Gief in Noorwege twie standaardtaole, namelek Bokmål ("Beuketaol") en Nynorsk ("Nuinoors"). De Bokmål is sterk door 't Deens, dat tot in de negentiende iew de cultuurtaol in Noorwege waor, be-einvleujd Noors. 't Weurt veural es officieel taol gebruuk meh is in Oslo en Bergen ouch de umgengstaol vaan de meiste lui. 't Nynorsk grip mie trök op de oorsprunkeleke Noorse dialekte, en weurt wel door de mieste Nore gesproke, meh inkel in 't dun bevolkde weste ('t Fjordenland) gesjrieve. Noorse kinder liere bei variante op sjaol.

Extern linke

• De Noorse Wikipedia (in de Bokmål)
• De Noorse Wikipedia (in 't Nynorsk)
• Gratis Noorsen online dictionair
• 't Noors ministerie vaan Boetelandse Zake euver de twie Noorse staandertaole (in 't Ingels)