Zieland: Versjèl tösje versies

Van Wikipedia
Verwijderde inhoud Toegevoegde inhoud
SieBot (Euverlèk | biedrages)
Xqbot (Euverlèk | biedrages)
K robot Erbij: mr:झीलंड
Tekslien 131: Tekslien 131:
[[lb:Provënz Zeeland]]
[[lb:Provënz Zeeland]]
[[lt:Zelandijos provincija (Nyderlandai)]]
[[lt:Zelandijos provincija (Nyderlandai)]]
[[mr:झीलंड]]
[[ms:Zeeland]]
[[ms:Zeeland]]
[[nds:Seeland (Nedderlannen)]]
[[nds:Seeland (Nedderlannen)]]

Versie op 1 jul 2010 09:22

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Provincievlag

Zieland
provincie van Nederland
Provincielocatie

Hoofstad Middelburg
CvdK Wim van Gelder
Oppervlak
- totaal
- % Water
8e
2684 km²
38%
Inwoeners
- totaal(2004)
- Diechheid
11e
379.028
212/km²
Volksleed Zeeuws volkslied

Zieland (officieel (Nederlands) Zeeland, Zieuws Zeêland) is 'n provincie in 't zuidweste vaan Nederland. Ze besteit oet 'n aontal (geweze) eilen en e gebeed wat grens aon 't Belsj bekind es Zeeuwsch-Vlaanderen. Aon de väöl zie-erm die me op de kaart vaan Zieland zuut daank de provincie häöre naom. De veurnaomste inkoumesbronne zien landbouw, visserie en toerisme. Väöl toeriste koume oet Duitsland.

Indeiling

in streke

Zieland weurt veural es 'n verzameling veurmalege eilen gezeen; 'ne Zieuw oontleent zien eigeheid dèks aon 't eiland boe heer vaandaon kump. De streike zien:

in gemeintes

Sins 2003 kint Zieland nog mer 13 gemeintes.

't Aontal gemeintes waor vreuger väöl groeter: begin de negentiende iew hadde alle dörpkes en zelfs en groet aontal gehuchte hun eige bestuur. Dit kaom doortot de Ziewse gemeintes de rechsopvolger vaan de ambachshierlekhede waore, die in Holland en Zieland dèks hendeg klein waore. Groete tot zier groete herindeilinge voonte plaots in 1813 en 1816 al (gehuchte en verdeilde dörper), in 1961 (Schouwen-Duiveland), in 1966 (Walcheren), in 1970 (Zuid-Beveland en Ziews-Vlaandere), in 1971 (Tholen), vaan 1995 tot 1997 (ganse provincie) en in 2003 (Ziews-Vlaandere). Oondaanks discussies euver beveurbeeld ein gemeinte Walcheren of ein gemeinte Ziews-Vlaandere lieke de gemeinteleke herindeilinge in de provincie Zieland te zien gestop.

Zuug ouch: Lies vaan geweze gemeintes in Zieland

Infrastructuur

Door de gaanse provincie ligke mer twei otosnelweeg, boevaan eine, d'n A 256, mer e paor kilometer laank is. D'n aandere, d'n A 58, löp vaan de grèns mèt Noord-Braobant bij Rilland tot aon Vlissingen. In de res vaan de provincie weure N-weeg gebroek. Ouch kint de provincie mer eine spoorweeg, dee naoventrint aon d'n A 58 parallel löp en nege staties heet.

Tot 1953 (zuug oonder bij "Historie") waore de meiste eilen meh per boot te bereike. 't Deltaplan, dat boete diekverzwering ouch 't bouwe vaan aofsloetende damme inhoolt, sjöpde e systeem vaan verbindinge tösse de tot daan geïsoleerde deile vaan de provincie. Bekind is de Zielandbrögk, dee korten tied de langste brögk vaan de wereld waor en jaorelaank de langste vaan Europa. In 2003 woort de Westersjeldetunnel ge-eupend, dee Zuid-Beveland mèt Zeeuwsch-Vlaanderen verbint.

Taol

't Platteland vaan Zieland kint e levendege streiktaol, bekind es Zieuws. Eder dörp, of zeker eder eiland, heet zien eige dialek, meh de dialekte vaan bove de Westersjelde zien good oonderein te verstoon. Roond Hulst weurt gei Zieuws, meh 'n Oosvlaoms dialek gespoke. 'n Aanvraog um de Zeeuwse dialecte och es Sjtrieëktaal erkind te kriege binne 't Europees Handvest, dat och 't Limburgs erkind, is oonlangs aafgewaeze nao 'n negatief advies van de Nederlands/Vlaamse Taalunie.

Historie

Zieland woort in de Roemeinsen tied bewoend door Kelte. Bekind is de plaotseleke gaodin Nehalennia, die door de Roemeine dao ouch verierd woort. In deen tied waor 't gebeed nog neet zoe geaffecteerd mèt waoter wie later 't geval woort.

In de Middelieuwe behoort 't gebeed iers bij Vlaandere. 't Eiland Walchere gebruukde de graof veural es veurpos um de handel op Brögke veileg te stèlle en Antwerpe (en daomèt Braobant) dwers te zitte. Laoter in de Middelieuwe kaom 't meiste vaan 't gebeed, naomelek alles te noorde vaan de Westersjelde, in 't bezit vaan de graof vaan Holland.

Wie de Rippebliek der Zeve Vereinegde Nederlen de aw geweste in eine staot vereinegde woort Zieland vaan Holland losgemaak. In de zeventiende iew bleujt Zieland same mèt Holland wie noets teveure. 't Weurt hendeg belaangriek in de handel en de oorlogsveuring. In de achtiende en negentiende iew raak 't gebeed in verval.

In 1953 gebäört de groetste natuurramp in Nederland in de twintegste iew. Veural Schouwen-Duiveland en 't Zuid-Hollandse Goeree-Overflakkee raoke euverstruimp bij 'ne zwoere störm. 1835 minse sterve en väöl mie raoke häör hoes kwiet. De internationaal hölp kump snel op geng.

Externe link


Provincies van Nederlandj
Drenthe | Euverijssel | Flevolandj | Frieslandj | Gelderlandj | Groninge | Limburg | Noord-Braobantj | Noord-Hollandj | Utrech | Zielandj | Zuud-Hollandj
Gemeintes | Watersjappe
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zieland&oldid=221580"