Uerdinger Linie

De Uerdinger Linie is de Duitse naom veur de isoglosse die de grens tösse 't veurkoume vaan de wäörd ik en ich aongif: Te noorde zeet me ik, te zuide ich. Dees grens is ein vaan de veurnaomste isoglossen in 't definiëre vaan 't Lèmburgse taolgebeed. Ze kump in Nederland tösse Venlo en Tegele binne (in Venlo zeet me dös ik), euver Wieët en Maarheeze, daan löp ze op einege kilometers aofstand vaan de grens tösse Bèlsj Lèmburg en de provincie Antwerpe, boenao ze tot slot einege kilometers Bèlsj Brabant ingeit en neet wied vaan Brössel op de Germaans-Roemaanse taolgrens oetkump.

De Uerdinger Linie is de noordelikste vaan de opeinvolgende taolgrenze die d'n euvergaank vaan de Nederduitse nao de Hoegduitse taole/dialekte markere.