Lummel

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Lummel

Lummel (Nederlands Limmel) is 'n wiek vaan Mestreech, mèt e redelek dörps karakter. 't Is gelege in 't noorde vaan Mestreech. Tot 1920 hoort Lummel bij de gemeinte Meerse. In 1840 woende dao 372 lui in ca 72 hoezer. Bij d'n aonlèk vaan 't spoor van Mestreech nao Remun in 1850 woort Lummel in twieje gedeild. 't Dörp had toen 'n eige statie. Nao de vesteging vaan 't glaasfebrik en steinfebrik wèrkde hei in 1911 mier es 2000 arbeiders en tèlde Lummel mie es 40 kaffees.

In Lummel ligk ouch 'n sluis in 't Julianakanaal.

Straote mèt biebelse naome

Dörpskern vaan Lummel

In 1955 woort 'n ganse nui wiek gebouwd. Wat opvèlt is tot de straotnaome dèks aofgeleid zien vaan biebelse naome. Dit nao aanleiing vaan de naome vaan de twie kestiele. In de Middeliewe heet d'n eigeneer vaan kestiel Jeruzalem deze naom aon zie kestiel gegeve nao e bezeuk aon 't Heileg Land. D'n eigeneer vaan 't aander kestiel kós toen neet achterblieve en dee neeumde zie kestiel toen "Bethlehem". Door de gemeinteraod woort in 1955 beslote um de nui straote ouch biebelse naome te geve.

Romeinse tied

In de winter vaan 1880-1881 woort in 't veurmaoleg gehuch de Steinstraot (Nazareth) 'n aontal Romeinse graver oontdèk, boe-in hoonderde urne laoge.

Kestiel Jeruzalem

Bezeensweerdeg

In de wiek ligk de Hoegere Hotèlsjaol Mestreech, in 't kestiel vaan Lummel (kestiel Bethlehem). Wijer ligk hei kestiel Jeruzalem. De neogotische kèrk is gewijd aon Sint-Jan-d'n-Duiper.

Kestiel Bethlehem of de Hoegere Hotelsjaol Mestreech

Vereineginge

Lummel heet e riek vereinegingsleve, mèt 'n eige famfaar, foetbalclub, toneelvereiniging, en mierder zaankkoere.

Externe link

Website euver Lummel