Lummel

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Lummel

Lummel (Nederlands Limmel) is 'n wiek vaan Mestreech, mèt e redelek dörps karakter. 't Is gelege in 't noorde vaan Mestreech.

Tot 1920 huurde Lummel bij de gemeinte Meerse. In 1840 woende dao 372 luuj in ca 72 hoezer. In 1955 is Lummel oetgebreid mèt nuibouw. Bij de aolèk vaan 't spoer woort Lummel in twieë gedeild. 't Dörp had toen 'n eige statie.

In de winter vaan 1880-1881 woort in 't veurmaoleg gehuch de Steinstraot (Nazareth) 'n aontal Romeinse graver oontdèk, boe-in hoonderde urne laoge.

Nao de vesteging vaan 't glaasfebrik en vuursteinfebrik wèrkde hei in 1911 mier es 2000 arbeiders en tèlde Lummel mie es 40 kaffees.

In de wiek ligk de Hoge Hotelschool Maastricht, in 't kestiel vaan Lummel. Wijers ligke hei kestiel Jeruzalem en kestiel Bethlehem. Lummel heet e riek vereinegingsleve, mèt 'n eige famfaar, foetbalclub, toneelvereiniging, en mierder zaankkoere.