Schiermonnikoog: Versjèl tösje versies

Van Wikipedia
Verwijderde inhoud Toegevoegde inhoud
RobotQuistnix (Euverlèk | biedrages)
K robot Erbij: jv
RobotQuistnix (Euverlèk | biedrages)
K robot Erbij: da
Tekslien 15: Tekslien 15:


[[ca:Skiermûntseach]]
[[ca:Skiermûntseach]]
[[da:Schiermonnikoog]]
[[de:Schiermonnikoog]]
[[de:Schiermonnikoog]]
[[en:Schiermonnikoog]]
[[en:Schiermonnikoog]]

Versie op 18 dec 2005 17:37

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Sjiermonnekoug (Nederlands Schiermonnikoog, Staanderdfries Skiermûntseach, eilanders Schiermonnikeich) is e Nederlands Wadde-eiland wat tot de provincie Friesland huurt en 't meis oostelike vaan de Friese Wadde-eilen is. 't Oppervlak bedräög 191,19 km², boevaan 151,26 km² water/ wadde. 't Aontal inwoeners is 989 per 1 juni 2005; daomèt is Sjiermonnekoug wiedoet de kleinste gemeinte vaan Nederland.

Sjiermonnekoug lif wie de ander Wadde-eilen in d'n ierste plaots vaan 't toerisme. De vèsserij is in de twintegste iew stèrk in importantie trökgeloupe. Wijers heet 't eiland 'n awwerwètse zelfverzenende middestand, die door de relatief isolatie (me moot ein oor mèt de pónt veur allein mer nao de vaste wal te koume) in stand gehawwe is.

De bebouwing op 't eiland is gooddeils geconcentreerd in 't dörp, wat ouch wel Oosterburen geneump weurt of woort. Dit dörp heet nog väöl aw vèssershuuskes. Wijers besteit 't eiland oet eineg landbouwgroond, meh veural oet duungebeed en strand; 't breiste vaan gans Europa. 't Gans eiland heet de status vaan Nationaal Park. De Sjiermonnikougers spreke vaanajds e speciaol Fries dialek, 't Sjiermonnekougs, wat evels nao d'n oorlog in verval geraak is, al kint me 't allewijl op speciaol cursusse liere.

Historie

Sjiermonnekoug is geneump nao de Cisterciënzer mónneke oet Dokkum, die 'ne grijze ("skier" op 't Fries) pij draoge en die 't eiland tot 1580 bezaote. In dat jaor converteerde Friesland ziech tot 't protestantisme en woort 't eiland geconfisqueerd; de staot verkoch 't in 1638 en twie jaor later kaom 't aon de familie Stachouwer. In 1719 woort 't dörp Westerburen door de zie opgeslók. De familie Stachouwer deeg 't eiland oetindelik in 1859 euver aon de Haogeneer J.E. Banck. Teslotte kaom 't in 1892 aon de Duutse graof Von Bernstorff. Pas in 1945 is 't, es vijandelik bezit, door de Nederlandse staot geconfisqueerd. Sinsdeen is 't 'n Friese gemeinte. 't Verdrieve vaan de SS vaan 't eiland heet tot 11 juni gedoord (zuug ouch bij Tessel).

Externe link

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Schiermonnikoog&oldid=19306"