Gerlach: Versjèl tösje versies
Geen bewerkingssamenvatting |
KGeen bewerkingssamenvatting |
||
| Tekslien 18: | Tekslien 18: | ||
==Externe link== |
==Externe link== |
||
*[http://www.st-gerlach.nl/pages/cap1.htm de door dr. E.. Lavigne vertaalde teks van de ''Vita Beati Gerlaci Eremytae''] |
*[http://www.st-gerlach.nl/pages/vita/cap1.htm de door dr. E.. Lavigne vertaalde teks van de ''Vita Beati Gerlaci Eremytae''] |
||
==Brón== |
==Brón== |
||
Versie op 5 jan 2010 19:28
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Gerlach, Gerlachus of Gièrling ies 'ne katholieke heilige dae laefde in de 12e ièw in de buurt van Houtem in de hudige gemeinte Valkeberg in Nederlands Limburg.
Leve
't Leve van Gerlachus ies besjreve in de Vita Beati Gerlaci Eremytae, ein levesbesjrieving die gesjreve woort rónd 1227, óngevaer 60 jaor nao ziene doad.
Hae waor 'ne ridder van adellike aafkóms, dae 'n liechzinnig leve houw. Wie zien vrouw plotseling sjtorf, kaom hae tot 't inziech dat 'r neet good bezig waor en hae vertrok berves op baevaart nao Roame en Jeruzalem. Wie hae truukkaom góng 'r in 'n hol eik in Houtem wone. Hae mengde zien ete mèt esj en góng ederen daag op baevaart nao 't graaf van sint Servaos in Mestreech. Op zaoterdeg góng hae nao de Dom van Aoke. Väöl luuj bewónderde Gerlach um ziene levessjtiel, meh de monnike van Meersje waore dao neet bliej mèt. Zie beklaagde ziech bie de biesjop van Luuk, dae toen nao Houtem kaom en de eik leet kappe. Me houw häöm namelik wiesgemaak dat d'n hièremiet dao geld in verborge zou höbbe. Wie de biesjop door houw dat 'r verkièrd waor geïnformeerd, naom hae de zörg veur de kloezenaer op ziech en leet van 't hout van de eik 'n huuske veur 'm boewe.
Gerlach woort ummer bekènder. Hildegard van Bingen sjtuurde häöm zelfs 't blomekrenske dat zie bie häör wiejing houw gekrege. In 't jaor dat Gerlach sjtorf (1165 of 1166) zou 't water in de brón vlakbie zien kloes drie kièr in wien zin veranderd.
Verièring
De kèrk van Houtem ies gewiejd aan de heilige Gerlachus. Miede in dees kèrk liek 't praalgraaf van Gerlachus. Bie dit praalgraaf ies in januari 2009 e nuuj brónze sjrien geplaats mèt de relieke van de heilige. Ónder 't praalgraaf liek gezegend (mergel)zand, dat 't viè zou besjerme en dat me kint mètnumme. De sjedel van Gerlach bevink ziech in 'n zilvere reliekbuste oet 1704-1706. Dees buste sjteit in de sjatkamer van de kèrk van Houtem.
Op 5 januari, ziene sjterfdaag, ies ziene fièsdaag gevolg door 'n octaaf.
Op 2 kilomaeter nao 't oaste lik in Sjtraobaek de Gièrlingshof oet de 19e ièw, mèt 'n beeld van häöm in de fronton van de middegevel.