Roerdale

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Roerdale (situatie sinds 2007)

Roerdale (officieel: Roerdalen) is 'n gemeinte in Midde-Limburg aon de Duitse grens, ten zuie vaan Remund. Op de kaart is ze good te herkinne es 'nen oetstekende punt vaan 't Nederlands groondgebeed. De gemeinte heet good 20.000 inwoeners en heet 'n oppervlak vaan 88,66 km².

Ze besteit oet de kerne:

• Berg (Sint Odiliënberg)
• Etsberg
• Hèrkebósj of Hirkebosj (Herkenbosch)
• Lerop
• Melik (Melick)
• Mofert (Montfort)
• Paalder (Paarlo)
• Postert (Posterholt)
• 't Räötje (Reutje)
• Vlórp (Vlodrop).

't Gemeintehoes steit in Berg.
In 2007 woorte de aw gemeintes Roerdale en Amb Mofert samegeveug tot 'n fusiegemeinte die veurluipeg ouch Roerdale hèt.

Binne de grenze vaan de gemeinte ligk 't Nationaal Park De Meinweg, dat veurnaomelek oet bosgebeed besteit. Roond 't jaor 2000 oontstoont comotie euver d'n Iezere Rien, 'nen awwe spoorweeg dee vaan Antwerpe nao 't Roergebeed löp en sinds de jaore zestig neet mie in gebruuk is. De Belzje wèlle deze spoorweeg, dee door De Meinweg geit, weer goon gebruke. Op 'n privaat stökske groond bij 'n aw abdij woende nog 'nen Indiase goeroe, de Maharishi Mahesh Yogi, boemèt de naom vaan 't dörp Vlodrop internationaal bekind woort. In Vlórp weurt de Maharishi zien eige munt geaccepteerd, de raam, dee tien euro weerd is.

Externe link

• Website vaan de gemeinte