Felix Rutten: Versjèl tösje versies

Van Wikipedia
Verwijderde inhoud Toegevoegde inhoud
Pivos (Euverlèk | biedrages)
K Foto toegevoog
Pivos (Euverlèk | biedrages)
K nl: toegevoog
Tekslien 50: Tekslien 50:
[[Categorie:Limburgse Nederlandstalege sjrievers|Rutten]]
[[Categorie:Limburgse Nederlandstalege sjrievers|Rutten]]
[[categorie:Limburgstaolege sjrievers]]
[[categorie:Limburgstaolege sjrievers]]

[[nl:Felix Rutten]]

Versie op 17 aug 2009 14:49

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Zitterts, es te dit dialek sjpriks.

Felix Rutten

Felix Rutten waor 'ne sjriever en diechter, in 't Nederlands en in 't Zitterts. Hae woort gebore op 13 juli 1882 in Zittert en sjtorf op 22 december 1971 in Roame, op dezelfde daag es ziene vrund en sjriever Godfried Bomans.

Biografie

Rutten sjtudeerde Germaanse filolologie aan de doe nog Franstalige universiteit in Leuve (Belsj) en promoveerde in 1909 in Luuk op 'n proofsjrief euver Joost van den Vondel.
Vanaaf 1910 maakde hae reize door Europa en Noord-Afrika en deeg daovan versjlaag in literair reisbeuk. Tösje 1914 en 1929 verbleef 'r in Nederland. Van 1919 tot 1929 waor hae getrouwd mèt Marie Koenen, ouch 'n sjriefster, woamet hae in Gäöl op de Sjieversberg bie 't Sjtómmeveldsje woonde. Nao de sjeiing vertrók hae nao Roame. Es Limburgse Romein woort hae bekènd en veur zien promotie veur de sjtad kreeg hae in 1957 de medaille van verdeenste van de Ièwige sjtad. De meiste verhaole en gediechte in 't Zitterts sjreef 'r vanaaf zien 70e verjäördaag. Bie ziene 80e verjäördaag woort 'r ièrebörger van de sjtad Zittert.

Es diechter ies 'r 'ne naovolger van de Tachtigersj.

Werk

Hae publiceerde poëzie en proza in Veldeke, Eigen Haard , Ons eigen Tijdschrift, Alaaf Zitterd (Leidjes in oos plat 1956) en Limburgs Dagblad 1955-1958.

  • Goede Vrijdag (1914)
  • Onder den rook der mijn (1914)
  • Limburgsche sagen (1916)
  • Hagar (1917)
  • Beatrijs (1918)
  • Jessonda (1920)
  • Sonnetten (1921)
  • De verzonken tuin (1923)
  • Spanje (1924)
  • Brugge (1925)
  • Polen, een herboren land (1931)
  • Joegoslavië (1937)
  • Iwan (1955)
  • Toskane, druivenland (1962)

Dialek:

  • Dialektverzen 1957 "Registro"
  • Daags veur Krismes, 1957
  • Novellen (Sittards dialect) 1958
  • 't Geheim van de gröb (1962) (Veldeke-serie)
  • Doe bleefs in mich, bloomlezing oet zien dialekwerk, 1982

Sjtäölke

Michel en zien "femme".

Zie waar wirkelik, dat moos gezag zeen, ein sjoon vrouw. Mit heure man, dae vööl geldj verdeind haw nao den oorlog van '70, woonde ze in ein deftig hoes op de bètste sjtandj van et aristokrate-sjtedje Remunj. Es me mer geldj haet! En ze hawwen et noe eimaol. Wie me de wit-marmere gank bènnekoum, keek me taenge e'laevesgroot beeld, op sokkel, van irges eine Mercurius, ein copie oet gips; en oppen euverluip van den trap, belag met roë luiper, taengen ein dito Flora. Baove, oppe verdeiping, waar de waat-ze-nuimde blawwe salon, mit aansjtotende meziekkamer, wo de piano sjtong: dat heisjde auch de balkonkamer. Mer de eigelike deftigheid waar onger, de grote zaal, mit pluche portière es me binnekoum en vaste karpet, mit sjwaor floere gerdiene veur de vinstere, sofa mit geborduurde antimakassars, wo gouddraod doorhaer leip, en besjilderde kösses in vööl kleure, zaedelaere gans mit satien bekleid, zogenaamde "crapaux", en "pouffes" mit lang fraanjele derlangs. Hie waar alles zie en pluusj en chenille. Gein taofel in de midde, mer loeter klein töfelkes hie en dao, bekend es "mimi's"...

Zuug ouch

Wikibrónne
Wikibrónne
Wikibrónne haet ouch 'n pazjena mit sjtäölkes en brónne euver Felix Rutten.


Externe link

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Felix_Rutten&oldid=170897"