Kesjtièl Obbendorf: Versjèl tösje versies

Van Wikipedia
Verwijderde inhoud Toegevoegde inhoud
Robbot (Euverlèk | biedrages)
K robot Erbij: de:Burg Obbendorf
Pivos (Euverlèk | biedrages)
K de: weggehoald, is neet 'tdezelfde Obbendorf, nl: toegevoog
Tekslien 23: Tekslien 23:
[[Categorie:Nut]]
[[Categorie:Nut]]



[[de:Burg Obbendorf]]
[[nl:Kasteel De Bockenhof]]

Versie op 12 aug 2009 10:10

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Kesjtièl Obbendorf of Bockhaof in Hazel

Kesjtièl Obbendorf, ouch de Bockhaof en hoes Haasdal geneump, bevingk ziech in 't gehuch Hazel bie Sjömmert in de gemeinte Nut in Zuud-Limburg. De pachhaof liek aan de waeg Groat-Haasdal. 't Kesjtièlke, dat via 'n waegske langs de haof ies te bereike, ies geboewd van baksjtein mèt helsjteine lieste um deure en vènstere. Op 't noorde haet 't 'ne krolgevel. 't Veerkentig teurentsje, oet 1677, ies geseerd mèt 'n tentdeekske woa-op 'n kuuppelke en sjpiets in de vörm van 'n doorgesjneje un. Gans bove dr'op sjteit 'n windvaan oet de 18e ièw mèt 't familiewaope Von Bock.

De rechheukige kesjtièlhaof ies gedeiltelik geboewd in mergel. De 2 groate róndbaogpoorte aan de binneplei höbbe baksjteine reng. Ein van de baksjteine moere van de sjuur ies gelardeerd mèt mergele sjpeklaoge. De haof haet 'ne groate voluutgevel mèt in de tuup twiè uleloker.

Gesjiedenis

't Complex besjteit oet 'n hièrehoes, Obbendorf, en 'ne pachhaof. Ónder 'n sjuur bevinge ziech nog twiè tóngewelve, die wieze nao 'n ouwer geboew. Bie 'n verboewing in 1848 ies dat verdwene. Op 'ne latei in de tore kèn me leze, dat arnoldus godefridus de bock me restauravit 1677 de tore haet geboewd same mèt de zuud- en oasgevel. Dae lètste gevel ies in 't begin van de 19e ièw gerenoveerd in neo-klassicistische sjtiel. De sjeetloker zint gebleve. Rónd 1960 volg wir 'n renovatie en dan weure rónd de vènstere helsjteine lieste aangebrach, die aafkómstig zin van 't aafgebroke kesjtièl Walborg in Ohé en Laak.
De eetkamer ies ónderkelderd mèt 'n tóngewelf. 't Interieur van de bel-etage, hal en kamersj sjtamp oet begin 19e ièw.

De pachhaof besjteit oet 'n sjuur en 'n pachtersjweuning. Nao 1840 huèrt diet neet miè bie 't good van 't kesjtièl. Dan krieg 't hièrehoes 'ne eige ingank via 'ne ziewaeg langs de sjuurgevel. De ruumde tösje haof en kesjtièl weurt dan binneplei, die aan de oaskant weurt aafgesjlote door 'n poort. Nao dees sjplietsing volg nog 'n twiède. Eine sjtalvleugel, haoks op de waeg Groat-Haasdal, weurt dan es weuning ingeriech. De veurgevele, mèt twiè eigenaere, weure op 'n gegeve moment bedèk mèt seerpleisterwerk.

Beweunersj

't Riddergesjlach Van Hafkesdael ies bekènd saer de 12e ièw. Zie zölle hie 'n versjterk hoes of kesjtièl höbbe gehad. Van 't kesjtièl Obbendorf ies pas ièwe later sjpraoke. De naam Obbendorf zal in de 17e ièw versjiene. Waarsjienlik geit dae naam truuk nao oben 't dörp vanwege zien liegking bove of achter in 't gehuch. De naam Bockhaof dateert ouch oet dezen tied vanwege de familie Von Bock. Dees familie kump oarsjprónkelik oet Aoke en in de 17e ièw zal zie versjillende kesjtièle in eigendóm kriege. Dao huèrt ouch Obbendorf bie. In 1729 ies d'r 'n boedelsjeiing, woabie Peter Willem Frederik von Bock 't hièrehoes krieg en zien zuuster Anna von Bock de haof. In 1745 sjtörf Peter Willem Frederik. Hae haet gein kinger. 't Complex kump dan in heng van Anna Maria von Bock. Zie ies getrouwd mèt Nicolaes Somija, de pachboer. Umdat zie 9 kinger kriege zal 't erfgood versjnieppere. In 1796 ies Thomas Hondts getrouwd mèt Maria Somija eigenaer. Hae zal ouch burgemeister weure van Sjömmert in de tied van de Franse bezètting.
In 1848 lièt eigenaer-landboewer Nicolaas Voncken, getrouwd mèt Maria Ida Loyens, nog get verboewinge oetveure. 'Ne gevelsjtein mèt 1848 en de initiale FWV en MIL herinnere dao-aan. Hun zone verpachte dan hoes en land saer 1929.
In 1942 ies d'r 'ne groate brand nao blikseminsjlaag.
In 1959 weurt de familie Stassen door koup eigenaer. Zie lièt de geboewe, mèt hölp van de Monumentezörg restaurere.


brón o.a.: 2005 Kastelen in Limburg ISBN 9053452699

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kesjtièl_Obbendorf&oldid=169967"