Willy Dullens

Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Zittesj, es te dit dialek sjpriks.

---

Willy Dullens (Broukzittert, 29 januari 1945) woar ènne Nederlandse voetballer van Sittardia en is op dit moment technisch advizeur van Fortuna Sittard.

Biografie

Willy Dullens begoosj mèt voetballe es jeugsjpeler bie Sittardia. In ‘t sezoen 1963/1964 maakde hae zien debuut in ‘t eisjte elftal en haw, mèt 18 goale, ein groat aandeil in de promotie van zien club. Het jaor daorop degradeerde de club weer mèr ein jaor later promoveerde de club weer. Dullens waas óngertösje eine belangrieke sjpeler gewore biej Sittardia en haw groat aanzeen gekrege in Nederland. In 1966 wórt hae es eisjte divisiesjpeler, oetgerope tot voetballer van ‘t jaor, wobiej Johan Cruyff zei dat Dullens technies mesjien nog waal baeter waor es haezelf. Hae wórt daonaeve opgerope veur Oranje. In totaal sjpeelde hae mèr veer interlands (taege Belsj, Sjotlandj, Tsjecho-Slowakije en Denemarke).

In de veurbereiding op ‘t sezoen van 1966/1967 leep hae in ein oefenduel taege Vitesse ‘n zwaor blessuur op aan zien kneebènj. Poginge óm te revalideren haeje gein succes en in december 1968 moosj Dullens ènne punt zette achter zien profesjenele voetbalcarrière. In augustus 1969 wórt ‘r eine benefietwedsjtrijd veur Dullens gesjpeeld tösje Ajax en Alemannia Aachen in ein, mèt 60.000 man oetverkoch, Olympisch Sjtadion. Ein paar maondj later wórt Dullens offisjieel aafgekörd. Dit veel ‘m erg zwaor en hae wórt ènnige jaore geplaogd door zjwaor depressies. Eind jaore 70 begoosj hae mèt ‘t begeleije van ènnige jóng fitserenners, wooronger Michel Jacobs en in 1980 begoosj hae mèt ‘t geldj van de benefietwedsjtrijd ‘n kapsalon in Zitterd.

In 2000 maakde hae ziene come back in ‘t betaald voetbal es technisch advizeur van Fortuna Sittard, ein baan die hae al langer ambieerde. Hae is mèt name betrokke bie de jeugopleiding, die erg geroemd wirt, oner angere door de KNVB.