Andijk

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Andijk in Noord-Holland

Andijk is e dörp en 'n gemeinte in de Nederlandse provincie Noord-Holland, in de streik Wesfriesland, aon 't IJsselmeer, mèt op 1 juli 2006 6566 inwoeners en 'n oppervlak vaan 47,70 km² (daovaan 26,71 km² water). Behave 't dörp Andijk ligke binne de gemeinte ouch de naobersjappe Bangert en Kerkbuurt. De plaots heet veural beteikenis es centrum vaan land- en tuinbouw; daoneve is ouch 't watertoerisme vaan belaank.

Historie

De naom Andijk is sprekend, dat wèlt zègke aon d'n diek. In vreuger tije waor 't 'n buurt vaan Stede Broec, en wel die buurt die aon d'n diek laog. In 1667 kraog de plaots 'n eige kèrk. Sins 1812 is Andijk 'n oonaofhenkeleke gemeinte. In 1926-27 woort hei de zoegenaomde Proofpolder aongelag, e pulderke vaan 40 hectaar gemeind um es modèl te dene veur de nog aon te lègke Zuiderzee/IJsselmeerpolders.

Externe link

• Website vaan de gemeinte