Willem Nolens: Versjèl tösje versies
Tekslien 33: | Tekslien 33: | ||
Mgr. Nolens is begrave op 't R.K. kerkhaof van Venlo. |
Mgr. Nolens is begrave op 't R.K. kerkhaof van Venlo. |
||
[[categorie:politici|Nolens]] |
[[categorie:Nederlandse politici|Nolens]] |
Versie op 18 jun 2008 23:16
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
Willem Hubert Nolens (Geb. Venlo, 1860 Euverl. Den Haag, 1931) waas priester en politicus.
Mgr.Prof. Mr. Dr. Willem Hubert Nolens woort gebaore op 7 september 1860 op de Groeëte Baekstraot as zoon van 'nne leerloeijer.
Studie
Nolens studeerde aan de 3-jäörige H.B.S. in Venlo. Aansloètend ging Nolens nao 't Bisschoppelik College in Wieërt. Vanaaf 1878 vervólg Nolens zien studie in Rolduc wao hae filosofie studeerde. In 1880 woort Nolens toegelaote op de Rièks Universiteit van Utrecht. Heej studeerde hae rechte. Nao aafsloèting van dees studie ging hae nao Remund um dao theologie te studere. Naevebeej deej hae zien doctoraal in de rechte (1884) en zien doctoraal staatsweitenschappe (1885).
Ein euverzich van mièlpäöl in zien laeve
- 25 maart 1887 - Nolens wuuërd tot priester gewijd en wuuërd lièraar op Rolduc.
- 13 november 1896 - Nolens duit zien intraej in de Twieëde Kamer veur de Rooms Katholieke Staats Partij (RKSP). Mgr. Nolens blièf lid van de 2e Kamer wiès aan ziene doeëd.
- Op 9 oktober 1909 - Nolens wuuërd beneump tot hoeëglièraar aan de Universiteit van Amsterdam.
- 15 fibberwari 1910 - Nolens wuuërd gekaoze tot veurzitter van de RKSP.
- 1923 - Beneuming tot Minister van Staat wiès aan ziene doeëd.
- 26 augustus 1931 - Nolens euverlièd nao ein ziekte te Den Haag.
Euverige functies
- Oprichter van de Nederlandse Vereiniging veur Wettelikke bescherming van de arbeiders
- Veurzitter van de Miènwerkersbónd
- Veurzitter van de Miènraod
- Redacteur Katholiek Sociaal Waekblaad
- Veurzitter Hoeëge Raod van Arbeid
- Veurzitter Internationale Arbeidsconferentie
Dees liès is vaere van compleet.
Ter naogedachtenis
In Mestreech is ein park nao um verneump, 't Mgr. Nolenspark. In Venlo zien ein plein en ein park nao um verneump, t.w. 't Mgr Nolensplein (ouk bekind as Gaasplein) en 't dao naeve gelaege Mgr. Nolenspark. In dit Venlose park steit ouk ein, in 1953 vervaerdig, monument ter naogedachtenis. In Gelaen haat 't 'n Dr Nolenslaan, 'n Dr Nolensplein en 'n Dr Nolenshof. In Zitterd is 'n Dr Nolenslaan en in Limbricht 'n Dr Nolensstraat. In Waalwijk besteit de Mgr. Nolensstraat. In 1981 is eine kemissie-vergaderzaal van de Twieëde Kamer nao Mgr. Nolens verneump.
Mgr. Nolens is begrave op 't R.K. kerkhaof van Venlo.