Jordanië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Jordanië
Waope van Jordanië
Basisgegaevens
Officieel taal	Arabisch
Huidsjtad	Amman
Sjtaotsvörm	Absolute Monarchie
Sjtaotshoof	Abdullah II (sins 1999)
[[{{{titelhoofregering}}}]]	{{{naomhoofregering}}}
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	89.342 km² 0%
Inwoeners – Deechde:	5,924,000 (sjatting juli 2007) 64/km²
Biekómmende gegaeves
Munteinheid	Jordaansen dinar (JOD)
Tiedzaone	UTC +2
Nationale fiesdaag	25 mei
Vouksleed	Al-salam Al-malaki Al-urdoni
Web | Code | Tel.	.jo | JOR | +962

Jordanië is e land in Azië, in 't Kortbij Ooste. 't Grens aon Israël, de Palestiense Staot, Syrië, Irak en Saoedi-Arabië. Hoofstad is Amman, ander stei zien Irbid en Zakra. Jordanië besteit wie de meiste Arabische len veurnaomelek oet weustenij; veural 't noordweste evels is vröchbaar.

Bestuurleke indeiling

Jordanië is ingedeild in daartien gouverneursjappe.

Ajlun Amman Aqaba Balqa Fuhais Irbid Jarah

Karak Ma'an Madaba Mafraq Tafila Zarqa

Demografie

Jordanië besteit oet 'n veurnaomelek Arabische bevolking, mèt es minderheidsgróppe Circassiërs, Ameniërs en Koerde, die groetendeils aon de Arabische cultuur aongepas zien. De bevolking is in mierendeil soennitisch; 6% is allewijl nog christelek. 't Mierendeil vaan de bevolking (zoe'n 70%) woent in de stei; nomade vörme neet mier es 1,5% vaan de bevolking. Väöl inwoeners zien Palestiense vlöchtelinge.

Historie

't Noordwestelek deil vaan Jordanië weurt al doezende jaore bewoend; de ajds bekinde inwoeners zien de Amoriete. 't Land woort achterein door versjèllende volker binnegevalle: door de Egyptenere, de Hittiete, de Joede, de Grieke, de Romeine en de Arabiere. In de zestiende iew vele de Osmane 't land binne en bij 't Verdraag vaan Versailles in 1919 woort 't gebeed aon de Britte touwgeweze.

In 1946 woort Jordanië es oonaofhenkeleke staot erkind, 't hètde daan Transjordanië. Keuning woort Abdullah I. Al in 1949 begós heer oorlog te veure tege Israël; bij de wapestèlstand had 't land de Westeleke Jordaanover vereuverd; väöl len erkinde dees annexatie neet (de Arabische gebejer in Palestina móste 'n eige staot goon vörme); ouch Oos-Jeruzalem, bedoeld es neutraal gebeed, annexeerde ze en daomèt woort Jeruzalem op 'n Berlien-echtege meneer verdeild. In 1967 deeg Jordanië mèt in de Zesdaogsen Oorlog, boebij 't Oos-Jeruzalem en de Wesover weer verloor. In 1988 deeg 't land aofstand vaan zien claims op dit gebeed. In 1999 storf keuning Hoessein, dee bekaans 50 jaor geregeerd had.