Saoedi-Arabië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Saoedi-Arabië
	Blazoen vaan Saoedi-Arabië
Officieel taol	Arabisch
Hoofstad	Ar-Riyâd
Staotsvörm	Absolute Monarchie
Staotshoof	Abdullah bin Abdul Aziz
Groondgebeed % water	1.960.584 km² weineg
Inwoeners	26,4 miljoen
Munt	Riyaal (SAR)
Tiedzaone	UTC +3
Nationale fiesdaag	24 september
Volkshymne	Âshu-l-Malîk
Landcode	SAU
TLD	.sa
Tillefoon	+996

Saoedi-Arabië (Arabisch:المملكة العربية السعودية) is e land in 't Middel-Ooste wat 't groetste deil vaan 't Sjiereiland Arabië besleit, en toesland is vaan Mekka, de heileg stad vaan d'n Islam. Hoofstad is Ar-Riyâd, ander stei zien Medînah, Jiddah en Ad-Dammâm. 't Land grèns aon Jordanië, Irak, Koeweit, Katar, de Vereinegde Arabische Emirate, Oman en Jeme.

Bestuurleke indeiling

Saoedi-Arabië is verdeild in 13 mintaqâh (provincies).

1. Al Bahah
2. Al Hududu sh-Shamaliyah
3. Al Jawf
4. Al Madinah
5. Al Qasim
6. Ar Riyad
7. Ash Sharqiyah (Oosprovincie)
8. 'Asir
9. Ha'il
10. Jizan
11. Makkah
12. Najran
13. Tabuk

Taole

Arabisch is hiel dommenant. MSA weurt in al officieel domeine gebroek, volkstaole zien Najdi-Arabisch (in 't noorde) en Jemenitisch (in 't zuide).

Historie

Veur de aw historie zuug Arabië

Roond 1750 verboond de sjeik Muhammad bin Saûd ziech mèt islamitisch geisteleke Muhammad Abdu l-Wahhab, en stiechde in 't binneland vaan Arabië 'ne staot, die euver de koumende 150 zouw oetgreuje tot e gebeed vaan de Roej Zie tot de Perzische Golf. In 1902 vereuverde Abdulazizu l-Saûd Ar-Riyâd, boe heer zien residentie vestegde. Dao-op volgde tot 1927 'n aontal vereuveringe op ander sjeikdomme, allewel tot 't gebeed nog ummertouw oonder de vlag vaan 't Vereineg Keuninkriek stoont. Dit land erkinde in 1927 Saoedi-Arabië es oonaofhenkelek land. In 2005 storf keuning Fahd bin Abdul Aziz, nao al e paar jaor 't regere aon ziene zoon te höbbe euvergelaote.

De oontdekking vaan olie in 1938 brach enormen ikkenomische veurspood.