Kestieël Mofert: Versjèl tösje versies

Van Wikipedia
Verwijderde inhoud Toegevoegde inhoud
Grambii (Euverlèk | biedrages)
Tekslien 53: Tekslien 53:
===Vanaaf 2002 toet noe===
===Vanaaf 2002 toet noe===


In [[2002]] kreeg de stichting van ’t kestieël ei nuuj bestuur. ’t Jach-teureke woor in zónnen slechte staot det ‘r concrete planne wore om dit gans te herstèlle wie ut vreuger waas. Wie de teikeninge en alles vaerdig wore, is d’r in [[2005]] pas ech begos aan de restaurasie hiejvanne. Auch de twieë kelderkes waere daobiej betroch.
In [[2002]] kreeg de stichting van ’t kestieël ei nuuj bestuur. ’t Jach-teureke woor in zónnen slechte staot det ‘r concrete planne wore om dit gans te herstèlle wie 't vreuger waas. Wie de teikeninge en alles vaerdig wore, is d’r in [[2005]] pas ech begos aan de restaurasie hiejvanne. Ouch de twieë kelderkes waere daobiej betroch.


[[Plaetje:101 0194.JPG|thumb|right|290px|]]
[[Plaetje:101 0194.JPG|thumb|right|290px|]]

Versie op 27 mei 2008 19:42

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Kestieël Mofert anno 2006

Net boete de kern van Mofert ligke de ruïnes van Kestieël Mofert, ouch bekindj es D’n Tômp of De Grauwert. Eigelik wuuertj mit Grauwert einen tore in 't biezönjer bedoeldj, mer de naam zuut me in 't algemein veur 't ganse kestieël.

't Kestieël is ròndj 1260 geboewdj in opdrach van Hendrik III van Gelder, later bekindj es d’n Hieër van Mofert. Nao verboewinge, belegeringe, mer ouch door zelf aafbraeke is ’t kestieël langsaam vervalle toet ruïne.

D’n Tômp is vanaaf 1961 in bezit vanne Stichting Kestieël Mofert (Stichting Kasteel Montfort). Op ein van de moerreste oette middelieëwe haet me róndj 1850 ei achheukig jach-teureke geboewdj, det noe innen oorsprónkelikken stoat wurdj herstieldj.

Gegaeves

De aafmaetinge van d’n Tômp zeen 50 biej 50 maeter. 't Oppervlak mitj den 2500 veerkantje maeter. Daomit is ’t kestieël den ouch ’t grótste van Nederlandj. Es veurbeeldj haet ’t Muiderslot mè ei oppervlak van 1120 veerkantje maeter. Boete ’t oppervlak is ’t onnag ein van de meis geavanceerdje kestieële.

't Gróndjplan is namelik neet gans veerkantj mer haet ‘n ‘polygonaal’ vorm. De moer rondj-óm ’t kestieël haet knikke. Det is gedaon oet ougpuntj van verdediging. Daobiej is d’r eine tore (de Grauwert) mit een waal hieël aafwiekendje vorm: Aan eine kantj is d’r rondj en aan d’n angere kantj haet d’r ‘ne spitse puntj. Dit soart boewtype nump me auch waal ‘tour-a-bec’ of op zie Hollans ‘snavelbektoren’.

D’n tore is daomit uniek veurre Benelux. Ouch dit is gedaon veurre verdediging. Dezen’ tore, de Grauwert, lik namelik naeve d’n oorsprónkeliken ingank en kos zoea projectiele aafketse.

(Korte) Historie

Hendrik van Gelder, Hieër van Mofert 1259 - 1284

Hendrik III van Gelder kreeg van zie broor Otto II van Gelder rondj 1259 de plaats Lin en ómgeaving gesjònke, dae ’t zelf eder in bezit haw gekrege. Op ei strategischj puntj leet Hendrik ròndj 1260 ei kestieël boewe, op ‘ne bestaondje zandjheuvel inne zómp. In dae’n tied woor de omgaeving van Mofert ein en al zómp.

Men witj neet gans zeker of d’r al ei bestoandj boewwerk op dae’n heuvel woor, maar ’t sjientj waal det d’r onger angere netuurstein zeen gebroek van ‘ne verdedigingstore waat me in Mestreech gesloop haet. De boew van ’t kestieël zoe rondj 1267 zeen aafgerundj, en bestóng zoeaget gans oet netuurstein. ’t Kestieël kreeg de naam Mofert en goandjewaeg kreeg ’t dörp dae naam auch.

Hendrik van Gelder en Hieër van Mofert, dae ouch prinsbisjop van Luuk woor, waerdje in 1284 tusse Lin en Mofert door Lukenieëre mit ‘ne knòts de kiebes ingehawwe. Det zoe gebeurdj motte zeen dun biej ’t dennebuske naeve de sjròt, oppe sjtaasjeswaeg waat noe toet Mofert beheuërdj. In zie testament woor vasgelag det Reinoud I van Gelder, ziene naef, èrfgenaam woor.

De Grauwert

Reinoud I van Gelder 1284 – 1319

Wie Reinoud I van Gelder 't bewindj ging veure, woor ein vanne ieëste dinger 't kestieël oetbreie mit 'ne viefdje tore mit spitse puntj, de Grauwert. De raeje hiejveur woor onger angere ’t oetbraeke vanne Limburgse Successieoorlog. Wie daen oorlog woor aafgeloupe, waas Amb Mofert ’t oeterlike zuuje van ’t Graafsjap Gelder. Daobiej waerdje d’r onna gevange genómme. Wie d’r lange-lèste weer woor vriegekoch vónj ziene zoon Reinoud II van Gelder det zie vader ’t Graafsjap neet mieër kos besjture. Oeteindelik sloot dae zie eige vader in 1320 op inne Grauwert, d’n tore waat d'r notabene zelf haw laote boewe. Hae stórf dao zès jaor later, in 1326.

Reinoud II van Gelder 1320 – 1343

D’n opvolger Reinoud II van Gelder haet ‘ne gooien tied gadj. Hae trouwdje mit e zöster vanne Ingelse kuuening Eduard II van Ingelandj. Ziene status waerdje daomit van Graaf verangerdj in Hèrtog. Omdèt de Ingelse in oorlog wore mit de Franse (Hóngerdjöärigen Oorlog) raakdje hae dao eigelik ouch biej betroch. Reinoud II speeldje den ouch dökker ‘ne rol biej ôngerhanjelinge tösse die twieë lenjer.

In 1342 weurdj begòs mit ‘ne groeate verboewing op ’t Kestieël Mofert. Det haw deils te make det ‘r dökker mit ziene gansen aanhang op ’t kestieël verbleef. Hiemit waerdje ouch ziene status weer verheuëg. Die verboewing haet mer twieë jaor gedoerdj, daoveur wore waal ‘ne haup luuj op ’t kestieël aan de gang. Behalve natuurstein zeen d’r dit kieër hieël veul bakstein gebroek veur dees oetbreiing.

In 1343 stórf Reinoud II van Gelder, wie me nag bezig woor mit dees verboewing.

Nao Reinoud II van Gelder 1343-1950

In d’n tied nao Reinoud II van Gelder haet me ’t kestieël nag wiejer versterk. Vanaaf 1500 koom d’r ein veurburcht biej, de Bongeartshaof, waat me later de Veurhaof nump. De Veurhaof waat v’r noe kinne is waarsjienlik op de restante van die veurige veurburcht geboewdj. Om op ’t kestieël te komme mos me doe twieë kieër een grach euver, via de veurburch.

Halverwaege de 16e ieëw koom ’t kenón. ’t Kestieël woor neet bestandj taege zò’n aanvalle en waerdje versterk mit vèstingwirke om de bestaondje ringmoer haer. Op een teikening van Philippe Taisné oet 1623 zeen dees vèstingwirke nag te zeen. Op ei gegeave moment haw ’t kestieël gein milletaire functie mieër. Vanaaf 1685 waere dees vèstingwirke gesloop, mer ouch de Grauwert en angere gedeiltes van ’t kestieël. ’t Woongedeilte hawwe ze laote staon es ambsweuning veur d’n drosserd. In d’n 18e ieëw koom ’t kestieël laeg te staon. Doe haet me ’t eigelik aafgebraoke om de stein veur reperasies aan anger geboewe te kinne gebroeke.

Nao ‘nen tied kreeg Jan Willem Burghoff oet Remuunj in 1837 landj in eigedóm, wo d’n Tômp auch biej heuërdje. Ongevieër ’n tieën jaor later, róndj 1850, leet d’r op ei restant van ‘ne tore ei achheukig jach-teureke boewe. ’t Sjientj det dit ei ontwèrp is van Pierre Cuypers, de bekindje architec oet Remunj. Dit teureke is vanaaf 1900 beheuërlik komme te vervalle. Doe is d’r eigelik nieks mieër oppen Tômp gebeurdj.

1950 toet 2002

Wie d’n Tômp in 1953 in eigedóm koom vanne Stichting Kestieël Valkeberg (Stichting Kasteel Valkenburg) waerdje begós mit de ieëste echte vorm van instandjhaajing. De vreuger aafgegrave zandj omme ringmoer waerdje doe weer opgevuldj.

In 1961 weardje de Stichting Kestieël Mofert (Stichting Kasteel Montfort) de nuje eigenieër, waat ut noe ouch nag is. Inne jaore ’70 vanne vurrige ieëw haw me onger angere de ringmoer opgeheuëg en de tores, wo-onger de in slechte staot verkieërendje Witten Tore.

Vanaaf 2002 toet noe

In 2002 kreeg de stichting van ’t kestieël ei nuuj bestuur. ’t Jach-teureke woor in zónnen slechte staot det ‘r concrete planne wore om dit gans te herstèlle wie 't vreuger waas. Wie de teikeninge en alles vaerdig wore, is d’r in 2005 pas ech begos aan de restaurasie hiejvanne. Ouch de twieë kelderkes waere daobiej betroch.

Plaetje:101 0194.JPG

D’n toekoms

Ein van de doele vanne stichting is om miense biej ’t kestieël te betrèkke. In samewirking mit Stichting ’t Limburgs Landjsjap wurdj d’r in ’t jach-teureke ei bezeukercentrum ingerich. Daomit mot “ ’t Kestieël en zie landjsjap” centraal staon. Auch waere d’r in samewirking mit de VVV Hèrkebos wanjel- en fietstochte, en rondjleidinge georganiseerdj.

Extèrne Links

Officiële Site vanne Stichting Kasteel Montfort

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kestieël_Mofert&oldid=114625"