Bokkeriejesj: Versjèl tösje versies

Van Wikipedia
Verwijderde inhoud Toegevoegde inhoud
Mergelsberg (Euverlèk | biedrages)
Mergelsberg (Euverlèk | biedrages)
Tekslien 31: Tekslien 31:


== Externe leenk ==
== Externe leenk ==
[http://www.imdb.com/title/tt0149482| De legende van de Bokkerijders (TV-serie 1994)]
*[http://www.xs4all.nl/~johnve/index.htm Över bokkeriejersj en de processe]
*[http://www.imdb.com/title/tt0149482| De legende van de Bokkerijders (TV-serie 1994)]
[[Categorie:Volksverhaole]]
[[Categorie:Volksverhaole]]
[[Categorie:Limburgse historie]]
[[Categorie:Limburgse historie]]

Versie op 11 mrt 2008 16:31

Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.


De volgende sectie van dit artikel is gesjreve in 't Norbiks.

Plaquette in Valkeberg

De Bokkeriejers is d'r naam van 'ne groep luuj dae in d'r 18de ieëw in 't Laand va Overmaas vör 't gerech is brach en veroordeeld. Recaent historisch oonderzeuk haat bewaeze dat d'r naam de Bokkeriejers bedach is dör machhubbers um hunne gruweleke en tomeloze zeuktoch nao daders van ènkele diefsjtalle te kinne rechvaardège. De verdachte waoërte gefolterd en zoe waoërte bekentenisse aafgedwonge en nuuj verdachte voonde, de nuuj verdachte waoërte ooch gefolterd...enzovoort. De jach op de Bokkeriejers wert aanzieë es 'ne laatiejège variaant op de heksevervolging.

Belsj Limburg

In Wellen in Belsj Limburg leidde dis procedure tut 116 verdachte vör 10 diefsjtalle. Daovan waoërte d'r 31 ter doeëd veroordeeld. 19 Gevangene waoërte gewurgd en op d'r braandsjtapel verbraand; 5 waoërte laevend verbraand; 2 geradbraakt; ene onthoofd; ene oontsjnapde; 2 gevangene sjtorve in de gevangenis, ene väör de foltering en d'r aandere d'r nao. Ene gevangene waoërt vriegelaote. De oonderzeukers sjtèlle zich de vraog of de handelswies van de drossaards geïnspireerd waor dör uvveriever of woolte ze - en dat wert uvver 't algemèng aangenaome - op die meneer bepaalde luuj oet d'r waeg ruime.

Kesjtieël Sjaasbaerg

Nederlands Limburg

De moder va Georges Simenon, Henriette Brühl, koom oet Nederlands-Limburg en sjtamde aaf va Gabriël Brühl, boer en in 1743 in Waobich terechgesjtèld op besjöldiging va lidmaatsjap van de Bokkeriejersj.

In Dagblad de Limburger neumt journalist Bjorn Thimister op 28 februari 2008 in z'n artikel Einde aan de naargeestigheid van een kasteel de Bokkeriejersj nog, zonder wieër 'n waoërd oetlègk, 'n roversbende oeëvan d'r in d'r 18de ieëw 19 in kesjtieël Sjaasbaerg ter doeëd veroordeeld waoërte dör de sjaeëpene.


De volgende sectie van dit artikel is gesjreve in 't Wessems.

De aw legende

Maske van 'ne aanhaenger va Frau Berchta, ooch wal Dame van de Bieëster geneumd en d'r leider van de middelieëwse Wil Jach.

Nao ein awt volksgeluif zeen de Bókkeriejesj geister van gesjtórve luuj die op bök door de lóch rieje. 't Is ein vórm van de zogehete: Wilj Jach, ein thema det neet allein in 't Limburgse en Vlaamse landj bekènd is, mer ouch inne Dutsjland , Engelandj , Scandinavië en Noord-Fraankriek. De Wilj Jach woort volges 't volksgeluif oetgevuierd duer duvele die - es 't sjtórmde – deur de lóch vaegde en euveral luuj de sjtupe op 't leif jouge. Det is ein aajt volksverhaol oet Keltische tieje. In aaj tieje waor Limburg bewuindj deur Eburonen, Nervii enne Remi. Dit gelouf kump, wie 'ne deskundige vertèlde, den ouch oet de Keltische tied: 't zeen de dooj luuj die gein rös kènne vènje.

En de nuuj mythe...

In Zuud-Limburg en de sjtreke óm ós haer maakde benjes ruivesj tösse 1730 enne 1790 misbroek van 't geluif inne Bókkeriejesj. Op dees meneier maakde ze de luuj bang. Zo kooste ze baeter hun batteravesjtreke oetvuiere. In 't begin woes de euverheid neet waat ze moosj beginne mit dees ruivesj. Mer ómdat de batterave zich óngerein neit versjtónge en zich begoste te verrao, koosje me op 't lès toch de aanvuierdesj vange benjes te pakke kriege. Wae wit, mesjiens vliege ze nog in 't balkeduuster door de lóch op zuik nao ein goodgeluivige zeel.

Inspiratie väör literatuur en film


De volgende sectie van dit artikel is gesjreve in 't Norbiks.

Externe leenk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bokkeriejesj&oldid=105588"