Els Diederen: Versjèl tösje versies

Van Wikipedia
Verwijderde inhoud Toegevoegde inhoud
KGeen bewerkingssamenvatting
Geen bewerkingssamenvatting
Tekslien 57: Tekslien 57:
==Referenties==
==Referenties==
<references/>
<references/>

== Zuug ouch ==
{{Wikibrón|Els Diederen|Els Diederen}}



==Externe link==
==Externe link==

Versie op 8 mrt 2008 16:26

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Els Diederen declameert bie de presentatie van Sjakelt de zinne in 2006

Els Diederen (Els van Dedere, Sint-Pièter, Valkeberg, 19 november 1946) ies 'n diechteres en sjriefster in ‘t Valkebergs. Zie ies gebore es 9e kind van 11, dochter van ónderwiezer Huub Diederen oet Valkeberg en Lieske Steins oet Zjwier. Jan en Bert Diederen zint breursj van häör.

In 't dageliks leve geuf zie parttime lès op 'n basissjoal. Diederen volgde de lièrare-opleidinge teikene, handvaardigheid en textiel wèrkvörme. Docent Limburgs woort zie nao ’t hole van ’t diploma van de (ièrsjte) pos-hbo-kadercursus Lièrgank Limburgs in 2004.

Zie ies secretarés en websitemeker van de Veldekekrink Valkeberg.

Publicaties

In ’t begin diechde ze in ’t Nederlands, vanaaf 1980 in 't Valkebergs. Häör gediechte en artikele versjene in 't Veldeke-orgaan van Veldeke-Limburg en in diverse ander regionaal tiedsjriefte. Zie maakde ouch 'n aantal vertalinge, woa-ónder 't Valkebergs van twiè personages in 't sjtripverhaol van Suske en Wiske De waerwouf van Ieëtselder, volkskaersjleedsjes veur de kaersjvieringe van de Veldekekrink Valkeberg en tekste/dialekbewèrkinge van zangsjtökker veur zangvereiniging Orphée, woavan zie zingend lid ies. Ein van die bewèrkinge waor de dialekvertaling van 't Limburgs volksleed in 1996.

Vanaaf 2005 sjrief ze artikele op de Limburgse Wikipedia en wekeliks sjtökskes plat in de regionaal gezèt Heuvelland Aktueel.

Gediechte

  • 1980, Blomekinger: bundel dialekversjkes veur kinger en kingermusical Blomekinger
  • 1992, 3 gediechte in de bloomlezing Rierank van Veldeke-Valkeberg
  • 1992, 1 gediech in de bloomlezing 1, in de reeks Veldeke Literair van Veldeke-Limburg
  • 1993, 2 gediechte in de bloomlezing 2, in de reeks Veldeke Literair van Veldeke-Limburg
  • 1994, 1 gediech in de bloomlezing 5, in de reeks Veldeke Literair van Veldeke-Limburg
  • 2006, Sjakelt de zinne, gediechtebundel in 't Valkebergs mèt eige illustraties, nr 52 in de serie Limburgse Literair Lies LiLiLi, door oetgeverie TIC

Sjrieverie, artikele e.d.

  • 1984, 't Valkebergs Laesplenkske; in 2000 ouch es virtueel leesplenkske op de website [1]
  • 1993, Dialekname van plante in Valkeberg e.o. in Veldeke vol. 68, afl.3, pag.76-79. Ouch versjene in 't heemkundeperiodiek van Sjin op Geul (1994)
  • 1998, Sjpele mèt weurd en klanke, dialeklèsse veur kinger van groep 7/8 van de basissjoale in Valkeberg aan de Geul, oetgegeve door Veldeke-Valkeberg
  • 2003, St. Pièter, kruuspunt en kloaster, Veldeke-Valkeberg jaorbeukske 2003
  • 2005, Wat name van plante oes vertèlle, ‘ne kroedwösj, in ’t Veldeke-orgaan van Veldeke Limburg, Veldeke-Valkeberg jaorbeukske 2004 en in 2005 in ’t Sjtegelke van de Heemkundevereiniging Houthem-St. Gerlach
  • 2007, Sjtökskes plat, ‘n verzameling van 122 sjtökskes plat, die van medio 2005 t/m 2007 wekeliks versjene zint in de weekgezèt Heuvelland Aktueel. Oetgegeve door Veldeke-Valkeberg

Leedtekste en vertalinge

Sjtäölke

Mozart
aart
Mozart
nao de veugel
't keuninkske van boetemaot en euverwiech
of link 'r nao de vink
mèt tegetoanig ing
boewt hae de fien tuèntsjes van de blauwmeis oet
of miè de luiper van de ander
akkoord
muziek greujt
ouch oet de vleugel
en de aansjlaag op zien brein
same breujt
't trio
van interval tot groate terts
zien composities biejein

oet: Sjakelt de zinne (2006)

Referenties

  1. [1]

Zuug ouch

Wikibrónne
Wikibrónne
Wikibrónne haet ouch 'n pazjena mit sjtäölkes en brónne euver Els Diederen.


Externe link

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Els_Diederen&oldid=105065"