Stadskanaal

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan de gemeinte Stadskanaal in Groninge
Ligking vaan de plaots Stadskanaal binne dezelfde gemeinte

Stadskanaal (Gronings: Knoal) is e versteidelek dörp en 'n gemeinte in de Nederlandse provincie Groninge, in de Veenkolonië, aon de grens mèt Drente, mèt 'n oppervlak vaan 120,00 km2 (daovaan 0,87 km2 water) en per 1 januari 2007 34.177 inwoeners. Neve de hoofplaots (goed 20.000 inwoeners) ligke in de gemeinte nog de dörper Alteveer (gedeiltelek), Ceresdorp, Kopstukken, Mussel, Musselkanaal, Onstwedde en Smeerling. Wijer ligke nog väöl gehuchter en naobersjappe binne dees gemeinte, miestal in laankgerekde bebouwing langs kenale.

Stadskanaal deit deens es regionaol verzörgingscentrum veur groete deile vaan Groninge en Noord-Drente.

Historie[bewirk | brón bewèrke]

In 1765 besloot de stad Groninge 't gebeed boe noe Stadskanaal ligk te goon oontginne door törfwinning langs e nui te graove kenaal (vaandao de naom: kenaal vaan "Stad" [Groninge]). Dit kenaal leep oetindelek door tot aon Ter Apel (1856). Langs dit kenaal oontstoont lankzaamaon get lintbebouwing, en wel euver de ganse lengde. Heidoor strek ziech 't dörp Stadskanaal oet euver 'n lengde vaan 16 kilometer, vaan de wes- nao de oosgrens vaan de gemeinte. In 't dörp kaom ouch industrie op, boe-oonder sjeepsbouw, eerappelmeelproductie en, nao d'n oorlog, de electronica-industrie. Wie Philips ziech in Stadskanaal vestegde greujde Stadskanaal oet tot de twiede gemeinte vaan Groninge. De versjèllende Philips-febrikke zien intösse touw. Stadskanaal heet, wie wel mie gemeintes in de Veenkolonië, te make mèt e chronisch sjomaasjprobleem.

Externe link[bewirk | brón bewèrke]

 
Gemeintes Provincie Groninge
Vaan van Gronginge

Eemsdelta · Groninge · Het Hogeland · Midde-Groninge · Oldambt · Pekela · Stadskanaal · Veendam · Westerkwartier · Westerwolde

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Stadskanaal&oldid=463086"