Pieël en Maas

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Gemeinte Pieël en Maas (Peel en Maas)
Provincie	Limburg
Hoofplaats	Kepèl
Börgemeister (lies)	Wilma Delissen-van Tongerlo (VVD)
Opperflaakde – daovan water	161,3 km² 1,75 km²
Inwoeners – deechde:	43.363 (1-4-2016) 272/km²

Pieël en Maas (Nederlands: Peel en Maas) is 'n gemeinte in de provincie Nederlands Limburg. Ze is oontstande oet de aw gemeintes Bree (Maasbree), Helje (Helden), Kessel en Mael (Méél; Meijel). Neve dees veer dörper umvat de gemeinte ouch de kerne Baolder (Baarlo), Beringe, Echel (Egchel), Eik (Kessel-Eik), De Grashook (Grashoek), Kepèl (Panningen) en Keuningslust (Koningslust). 't Oppervlak is 161,3 km² (daovaan 1,75 km² water); 't aontal inwoeners is good 40.000 (42.598 veur de veer aw gemeintes same op 7 juni 2007).

De nui gemeinte maak deil oet vaan 'n groete herindeiling vaan landeleke gemeintes in de provincie Limburg, die in de jaore nul door 't gouvernemint geïnitieerd woort. De provincie vroog vaan de gemeintes um zelf planne veur samewèrking te make. Daobij kaom 't idee veur de gemeinte Pieël en Maas in 2007 nao veure. Bree, Helje en Kessel waore zoe good wie unaniem veur, Mael waor in ieste instantie tege meh sloot ziech later toch aon. Op 1 januari 2010 woort dees fusie geïmplementeerd.

51° 19′ N, 5° 59′ O