Paalder

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Bergs (Roerdale), es te dit dialek sjpriks.

---

De Roer gezeen venaaf de fietsersbrök tösse Paalder en Mieëlik

Paalder (Nederlands: Paarlo) is e gehuch bie Berg (ouch waal Berg ane Roer of Sint Odiliëberg), det venoet Berg gezeen get op Vloearep aan lik (Vloeareps: Vlorp). Dao zólle op 't moment zoeaget hongerd luuj wone, en daomit is 't e tikkelke klènder es 't tösse Berg en Herte gelaege Lieërop.

Vreuger goof 't e Groeat- en e Klein-Paalder, meh det óngersjied is allewiel gans verzwónje.

Gemèndjelikke herindeiling

Van vreuger oet behuuerdje Paalder biej de gemèndje Berg, toet 1991, doe de gemèndjes Berg en Mofert gónge fusere mit Postert. In 1994 waerdje die gemèndje omgeneump toet Amb Mofert. Toet 2007 bleef Amb Mofert bestaon; venaaf daen tied behuuertj Paalder toet de nuuj fusiegemèndje Roerdale.

Fietsersbrök

Kortbie Paarlo lik e fietsersbrögkske euvere Roer, det redelik uniek is inne omgaeving. Dit brögske is prachtig gelaege in 't Roerdal, wo 't bie hoeag water waal èns blank kan staon. Daobie beedj de brök veur fietsers 'ne doorgank nao Mieëlik en Hèrkebós.