Nuigrieks

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Nuigrieks
Inheimse name: νέα ελληνική
Gekald in: Griekeland, Cyprus

Minderheidstaol in: Albanië, Italië, Turkije, VS, Oekraïne, Roemenië, Armenië, Hongarije
't Grieks is ouch immigrantetaol in oonder aandere Duitsland, Vereineg Keuninkriek, Libanon, Israel, Egypte, Canada, Australië, Chili

Classificatie: Indo-Europees
 Helleens
  Attisch-Ionisch
   Modern Grieks
Aantal sjpraekers: 12 miljoen
Cónservatiegraod: neet bedreig
Officieel taal: in Griekeland, Cyprus
ISO-639-code: el, ell
't Greeks taolgebeed

't Nuigrieks (νέα ελληνική, néa elliniká of νεοελληνική, neoellinikí) is de taol vaan 't modern Griekeland en 'n veurzètting vaan de Koinè en 't Middelgrieks (zuug Aajdgrieks). Miestal liet me de historie vaan 't Nuigrieks nao de val vaan 't Byzantijns Riek beginne. 't Grieks weurt allewijl door zoe'n 12 miljoen lui gesproke; boete Griekeland zien dat ouch nog de bewoeners vaan (Grieks) Cyprus en inkel gemeinsjappe in Turkije en Italië en väöl arbeidsimmigrante in Wes-Europa. Tot veur kort bestoonte twie variante in 'n diglossie nevenein: Katharevousa (καθαρεύουσα, "zuver taol", Aajdgrieks op z'n Nuigrieks oetgesproke) en Dimotiki (δημοτική "volkstaol"); allewijl is de Dimotiki ouch de basis vaan de sjrieftaol, umtot 't versjèl tösse 't Klassiek Grieks en de volkstaol toch te groet waor. Zoe had de Katharevousa twie naomvalle die de Dimitoki gaaroet neet kint.

't Grieks weurt ummer in 't Grieks sjrif gesjreve.

't Tsakonisch en 't Griko (in Italië) kinne es zöstertaole vaan 't Nuigrieks weure gezeen, allewel tot ze ouch wel es dialekte gelle. Zuug ouch Helleense taole.

Extern linke[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nuigrieks&oldid=412598"