Nilo-Saharaanse spraoke

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Kaart mitte verspreijing vanne Nilo-Saharaanse spraoken in Afrika.

De Nilo-Saharaanse spraoke vörmen 'n veurgestèldje spraokfemielje in Afrika. In totaal waere ze gespraoke door róndje 50 miljoen luuj, veurnamelik inne hoeager gebiede bieje revere Chari enne Niel, worónger ouch 't historisch Nubië. De spraoke strèkke zich oet euver zevetieën lenj in 't naordelik deil van Afrika: van Algerië tpet Benin in 't wèste; van Libië toet Congo-Kinshasa inne midden; en van Egypte toet Tanzania in 't oeaste.

Ach vanne veurgestèldje subgroepe (zónger 't Kunama, Kuliak en Songhai) zeen te vinjen in 't landj Soedan, wo de Niel doorhaer struimp. De spraoke waeren in 't Afrikaanse binnelandj gekaldj, worónger langse loup vanne Niel enne centraal Sahara.

Joseph Greenberg goof de groep de naam en sjreef in zie book The Languages of Africa (1963) det 't 'n genetische femielje is. 't Bevatj de spraoke die neet óngere Niger-Congo, Afro-Aziatisch of de Khoisanspraoke valle. 't Is neet aangetoeandj det de Nilo-Saharaanse spraok daadwirkelik 'n echte genetische spraokfemielje zeen en spraokkóndige höbben 't döks "Greenberg zienen drekbak" geneump wo hae alle neet-ingedeildje klikloeaze spraoke van Afrika induujdje. Veurstenjers van 't Nilo-Saharaans zègke det 't veurstèl lestig te bewiezen is, meh wie mieë wirk gedaon wuuertj, wie väölbelaovendjer 't wuuertj.

Van sómmige vanne subgroepe van 't Nilo-Saharaans wuuertj gesjatj det die veuraafgaon aan 't neolitische Afrika. Zoea wuuertj de einheid vanne Oeastelik-Soedanische spraoke gesjat toet 't viefdje millennium veur Christus. De genetische einheid van 't gans Nilo-Saharaans is daoróm nag väöl ajer en wuuertj gesjat toet 't laat opper-paleolithisch.

Indeiling[bewirk | brón bewèrke]

Hie-ónger volg 'n lies mitte veurnaamste subgroepe van 't Nilo-Saharaans[1]. Spraoke die 'n apaarte pagina op dees Wikipedia höbbe staon achtere subgroep vermeldj:

  • Nilo-Saharaans
    • Berta
    • Centraal-Soedanisch
      • Oeas
      • Wès
    • Oeastelik-Soedanisch
    • Fur
    • Kadugli-Krongo
    • Komuz
    • Kunama
    • Mabaans
    • Saharaans
    • Songhai

Brónvermeljing[bewirk | brón bewèrke]

  1. Ethnologue