Naocompetitie Nederlands hierevoetbal 2017
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De naocompetitie of play-offs in 't Nederlands hierevoetbal umvat diverse competities. Veer clubs oet de Ieredevisie speule um Europees voetbal. Twie clubs oet de Ieredevisie en ach oet de Ierste Devisie speule um handhaving in daan wel promotie nao de Ieredevisie 2017/18. Ouch tösse de Twiede en Daarde Devisie weurt um promotie en degradatie gespäöld, zoewie op diverse lieger niveaus.
Naocompetitie um Europees voetbal[bewirk | brón bewèrke]
Veer clubs speule in e klei knock-outtoernooj tegenein um ein plaots in de twiede veurrunde vaan de Europa League. FC Twente is es straof veur financieel wanbeleid in veurgoonde jaore veurluipeg oetgeslote vaan Europees voetbal en deit neet mèt. Oetindelek plaotse ziech FC Utrecht, AZ, FC Groningen en sc Heerenveen heiveur.
Wie gebrukelek späölde de boeteste en de binneste teams tegenein: Utrecht tege Heerenveen en AZ tege Groningen. Vaan teveure waor verwacht tot in eder geval Utrecht zouw doorgoon. sc Heerenveen zaot naomelek al sinds de winterstop in 'ne zwoere vörmcrisis, boedoor 't in 2017 koelek nog gewonne had. Dit kaom ouch oet. Bij 't aander twieluik leep 't evels aanders: AZ waor de weke veur 't ind vaan de competitie ouch oet vörm, meh wis Groningen twie kier mèt groet euverwiech te versloon. Ouch in de finaal leek AZ te goon winne, meh oetindelek wis FC Utrecht e zwoer verlees in eige stadion um te kiere.
- Ierste runde
17 en 20 mei
- sc Heerenveen 2–5 FC Utrecht (1-3, 2-1)
- FC Groningen 2–8 AZ (1-4, 4-1)
- Finaal
25 en 28 mei
- AZ 3–3 (3-4) FC Utrecht (3-0, 3-0)
Naocompetitie um promotie en degradatie tösse Ieredevisie en Ierste Devisie[bewirk | brón bewèrke]
Tien clubs speule um twie plaotse in de Ieredevisie. Twiede Ieredevisieclubs speule veur handhaving, te weite N.E.C. (16e) en Roda JC (17e). Ach clubs oet de Ierste Devisie kóste promovere; in oploupende volgorde zien dat Helmond Sport, RKC Waalwijk, FC Emmen, Almere City FC, MVV, FC Volendam, NAC Breda en SC Cambuur (zuug hei veur details). De ierste veer späölde oonderein nog 'n extra runde.
Groete verrassing waor Helmond sport, wat in de ierste runde Almere City oetsjakelde en oetindelek mer zjus neet veurbij Roda JC kaom. Ouch FC Emmen maakde indrök mèt 'n groete oetwins op RKC, meh oetindelek waor NEC väöls te sterk. MVV baorde in de twiede runde opzien door Cambuur oet te sjakele, dewijl die lèste club 't regulier sezoen zier sterk waor geïndeg. In de daarde runde stoonte MVV en Roda tegeneuverein in 'ne streekderby; in de heenmatch broke supportersrelle oet. Ouch hei waor Roda mer zjus sterker. Bij NAC tege N.E.C. waor geine favoriet aon te wieze; oetindelek won NAC aofgeteikend.
- Ierste runde
8 en 12 mei
- Helmond Sport 6–2 Almere City FC (4-2, 0-2)
- RKC Waalwijk 2–5 FC Emmen (1-5, 0-1)
- Twiede runde
18 en 21 mei
- Helmond Sport 1–2 Roda JC (0-1, 1-1)
- MVV 3–2 SC Cambuur (1-1, 1-2)
- FC Volendam 2–4 NAC Breda (2-2, 2-0)
- FC Emmen 1–4 N.E.C. (1-3, 1-0)
- Finale
25 en 28 mei
Naocompetitie um promotie en degradatie tösse Twiede en Daarde Devisie[bewirk | brón bewèrke]
De nommers 15 en 16 vaan de Twiede Devisie en de twie teams oet eder vaan de twie Daarde Devisies speule nao aofloup vaan hun sezoene ouch um promotie en degradatie. Oet de Twiede Devisie zien dit UNA en Spakenburg. Oet de Daarde Devisie Zaoterdag goon Rijnsburgse Boys, Westlandia en Harkemase Boys op veur promotie, oet de Daarde Devisie Zondag zien dat VV Dongen, FC Lisse en USV Hercules.