Mölm

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan de stad in Noordrien-Wesfale

't In 1973 gebouwde Rhein-Ruhr Zentrum, tiejes de jaore vaan de mijnikkenemie

Mölm (Duuts: Mülheim an der Ruhr, daorum ouch oppe Limbörgs wel Mülheim aon de Ruhr) is 'n krinkloes stad (stad die neet behuurt bis 'ne krink of Kreis, dus Kreisfrei is) in 't weste vaan Noordrien-Wesfale. De Rienlandse plaots vilt oonder 't Regierungbezirk Düsseldorf en ligk neve de steij Oberhausen, Esse, Dusseldörp en Duusbörg en de krink Kreis Mettmann. Mölm ligk op 'n hoegte vaan 40 meter. De stad heet 'n oppervlak vaan 91,28 km², en volgens de census vaan 2014 gief 't dao 166.640 inwoeners. Heimèt heet 't 'n bevolkingsdeechte vaan 1826 de veerkante kilometer. Sinds de nuie stadsraod vaan 2014 is de SPD de groetse polletieke partie mèt 17 zetels. Op de twiede en daarde plaots komme daan CDU (15) en Grüne (6). Mölm deilt get faculteite mèt Universität Duisburg-Essen en heet 'n nui hoegesjaol debij in 2008.

Brón

• Duutstaolege Wikipedia