Maes

Van Wikipedia

Dit artikel is gesjreve (of begós) in 't Maeses. Laes hie wie v'r mit de versjillende saorte Limburgs ómgaon.


Maes (ouch Meas gesjpeld, Nederlands: Meers) is 'n dörp in Zuid Limburg in de gemeinte Stein. Tot 1982 bewerde 't bie de gemeinte en de parochie Elsloo. Op de plaatsnaamborde sjteit Meas. Vreuger woor 't dörp Grwat Maes genump um zich te óngersjeie van Klein Maes, dat noe aan Maes is vasgegreujd. Maes is gelaege in 'ne boch van de Maas. Same mit de buurtsjappe bevingk 't zich op 'n eiland tösje dees rivier en 't Julianakanaal. De autobaan A76 löp in de buurt. In 2006 wone d'r (same mit de buurte) 1400 luuj.

Buurtsjappe[bewirk | brón bewèrke]

Buurtsjappe van Maes zint:


Euversjtruiminge en óntgrenjing[bewirk | brón bewèrke]

In 1880, 1920, 1925, 1993 en 1995 zin Maes en zien buurtsjappe gejel of gedeiltelik euversjtruimp gewaes door de Maas. In 1998 zin nuu dieke aangelag. In 't gebeed weurt veul kiezel gewónne. In 't kader van de Grensmaasplanne waere de óntgrenjinge noe aangepas, zwadat in 2015 'n natuurgebied zal zin óntsjtange.

Bezeenswaerdig[bewirk | brón bewèrke]

  • Eind jaore 90 van de 19e jèw kreeg Maes 'n houte nwadkèrkske, dat in 1910 vervange is door 'n baksjteine kèrk noa 'n óntwerp van Egide Joosten. Later is de kèrk vergrwèjt. In 1932 woor ze 'n zelfsjtandige parochiekèrk van de Heilige Joep.
  • Maasmonument, mèt es titel: "Lichtvanger", van de beeldhouwer Piet Berghs oet Meersje, nao aanleiding van de euversjtruiminge van 1994 en 1995.
  • Kapel gewied aan de roazekrans oet 1989 aan de Grwatte sjtraot.
  • Woodhenge, is 'n verzameling boumsjtem (es gedènkteike), die gevónge zin in de Maas bie Maasbrach.
  • Vrie geïsoleerd, in de polder bie de Maas, lik de Weerterhaof. 't Linkergedeilte van de ouw boerderie waor vreuger de vereinigingskamer van de sjötterie van Maasmechele, wobie De Weerd werde tot in de 19e jèw. Ze waor doe róntelum begrens door 't Maaswater. Weerd (land aan water), kump van Proostenweerd, nao de eigenaer van Maasmechele: de proos van 't Servaoskapittel in Mestreech.

Externe link[bewirk | brón bewèrke]

 
Gemeinte Stein
Vaan van Stein
Dörper: Aelse · Berg · Maes · Stein · Werment
Buurtsjappe en gehuchte: De Kaereshei · Katsep · Klein Maes · De Maasbendj · Nattenhaove · Nuujdörp · Terhage · De Velsjuur
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Maes&oldid=457840"