Jömelech

Van Wikipedia
Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Jömelejer, es te dit dialek sjpriks.

Krèègsmonumaent in 't centrum op sokkel va blowwe sjtèè. D'r natuursjtèè van 't muurke rechs is kaolezaandsjtèè.

Gemmenich (Platduutsj Jömelech) is 'n kèrkdörp va g'ne Blieberig of Plombières en liegkt in de provincie Luuk in Wallonië op 't Belsj.

Väör de fusie va 1977 waor Gemmenich 'n zelfsjtendège gemèngde, woeë ooch 't gehuch Völkerich (Platduutsj Fölkerech) ónger waoërt geraeëkend. 't Dörp grenst in 't noorde an Nederland en in 't weste an Duutsjlaand en liegkt midde-n-in d'r Euregio Maas-Rien. D'r wonne zoe'n 2500 luuj.

't Plaatsjelik dialek, 't Jömelejer plat, is 'n uëvergangsdialek van Zuud-Nederfrankies (Limburgs) nao Ripuariesj (Kulsj plat), meh huurt toch tot 't Zuud-Nederfrankies.

Historie[bewirk | brón bewèrke]

Driejlandepeunt gefotografeerd vanaaf 't Belsj dèèl.

De örsjte vermelding Geminis va Gemmenich sjtamt oet 888. De Hubertus-kèrk is oet d'r 18de ieëw. In 't buurtsjap Völkerich bevindt zich 't hoes oet 1733 van de familie van César Franck. Op d'r 4 augustus 1914, kieëme hie Duutsje troepe de grens uvver op waeg nao Luuk. Vermoedelek vindt me ooch hie hoezer mèt de gaevelsjtèng ORD.

Toerisme[bewirk | brón bewèrke]

Gemmenich haat twieë campings, èèn hotel mèt golfbaan en 'n vakantiepark. Op 't drielandepunt sjtèèt an d'r kaant va Gemmenich d'r 50 meter hoeëge Boudewijntoeëre, dae 'n oetzich gèft över Aoke, Nederlands Limburg en 't dal van de Geul.

Externe leenk[bewirk | brón bewèrke]

Gemeinte Blieberig
Deilgemeintes en dörper: Blieberig (dörp) · Hommerig · Jömelech · Moontse · Moresent · Sippenake
Gehuchte en buurtsjappe: A j'n Eèkske · Fölkerech
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Jömelech&oldid=396184"