Edmond Bellefroid
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Guillaume Marie Edmond (Edmond) Bellefroid (Mestreech, 3 juli 1893- Mestreech, 7 januari 1971) waor kunssjèlder, teikeneer en oontwerper.
Zien ierste teikenlèsse kraog heer vaan Frans van de Laar. Later volgde heer aovondlèsse bij Rob Graafland. In 1927 woort heer docent aon de Kunsnijverheidssjaol, de latere Kunsacademie.
In de periode 1929-1946 waor heer oontwerper bij de Sphinx. In d'n oorlog kós heer evels zien werk neet oetvoere umtot heer gei lid vaan de Kultuurkamer wou weure.
In 1946 vertrèk heer nao 't Kleiatelier vaan de Staotsmijne in Brunssum. Vanaof 1950 wèrk heer veur de Mosa es esthetisch adviseur en industrieel ontwerper. Dit deit heer tot 1968.