Antonio Vivaldi

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Antonio Vivaldi
Effigies Antonii Vivaldi door François Morellon oet 1725
Gebore 4 miert 1678
Gesjtorve 28 juli 1741
Landj Rippubliek Venetië
Sjtielperiood barok
Belankrieke genres concert, opera, geisteleke meziek
Invlood van Arcangelo Corelli, Alessandro Scarlatti
Invlood op o.m. Johann Sebastian Bach
Lies van componiste

Antonio Lucio Vivaldi (Venetië, 4 miert 1678 - Wene, 28 juli 1741) waor 'nen Italiaonse violis en componis[1]; wat wèl zègke, Italië bestoont nog neet es natie, heer waor börger vaan de Rippebliek vaan Venetië, mer nömde ziechzelf wel 'nen Italiaon. Heer waor e leiend figuur vaan de laote Venesjaonse barok

Heer woort il Prete Rosso (de roeje priester) geneump vaanwege de kleur vaan zien haor. Heer waor eine vaan de meis virtuoze violiste vaan zienen tied en eine vaan de groetse componiste vaan de barokmeziek. Besjojd es de belaangriekse, invloodriekste en origineelste Italiaonse muzikant vaan zienen tied, heet Vivaldi in belaangriek maote bijgedrage aon de oontwikkelinge vaan 't concèr, veural solo. Heer voond tot klassieke meziek eveväöl aondach zaw mótte kriege es de opera.

Zie wèrk beïnvloojde väöl componiste vaan zienen tied, mèt inbegrip vaan Johann Sebastian Bach, Johann Georg Pisendel, Johann David Heinichen, Jan Dismas Zelenka, Joseph Bodin de Boismortier, Michel Corrette, Willem de Fesch en Johann Joachim Quantz.

Zoewie dat is gebäörd mèt väöl componiste oet de barok, is Vivaldi nao zien doed in vergetelheid geraak. 't Waor te daanke aon 't oonderzeuk vaan sommege musicologe vaan de 20e iew, zoewie Arnold Schering, Marc Pincherle, Alberto Gentili en Alfredo Casella, dat 't wèrk vaan Vivaldi weer nao bove kaom drieve. Dat maak häöm op dizzen daag eine vaan de meis bekènde componiste oet de gans historie vaan Europa.

Zien bekèndste composities zien de veer vioolconcèrre bekènd es Le quattro stagioni (de Veer Jaorgetieje).

Referenties[bewirk | brón bewèrke]

Dit artikel is groetsdeils vrij vertaold vaan de Italiaanstaolege versie. Wel zien de referenties gebruuk die in 't origineel artikel ouch weure gebruuk.

  1. ENG: Peter Ryom, Vivaldi, Antonio (Lucio) in Stanley Sadie e John Tyrrell (a cura di), The New Grove Dictionary of Music and Musicians, 2ª ed., Oxford University Press, 2001, ISBN 978-0195170672.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Antonio_Vivaldi&oldid=408618"