Aad de Haas

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Aad de Haas ies 'ne kunssjilder dae gebore ies in Rotterdam op 30 december 1920. In de Twiède Waereldoorlog weurt zien werk door de Nazi's es 'entartet' verklaord en es gevolg daovan moet 'r 'n paar maond in de gevangenis verblieve. In 1944 vlöch 'r nao Zuud-Limburg en vestig ziech in Ingber. Later woont 'r nog in Gulpe en op kesjtièl Sjtriethage bie Sjaasberg. Op 21 mièrt 1972 sjtörf 'r hie.

Werk[bewirk | brón bewèrke]

Sjilderinge in 't kèrkske

Thema's oet de Biebel kómme väöl truuk in zien sjilderieje. De ónderwerpe zint dèks 'n versjlaag van maatsjappelike óntwikkelinge rónd kèrk, erotiek en mach. Zien sjtiel ies fel-expressionistisch en figuratief. Nao 1960 ies erotiek 'n belangriek thema in zien werk.

Cunibertuskèrkske[bewirk | brón bewèrke]

Nao de Twiède waereldoorlog besjildert Aad de Haas 't kèrkske van Wilder (Wahlwiller). Hae sjildert ouch de kruusweeg. De veurbieje oorlog weersjpegelt ziech in de oetwèrking. In plaats van de gebrukelike 14 sjtasies sjildert de Haas d'r 2 miè. De 1e, die 't verraod van Judas oetbeeldt in de haof van Olieve en de 16e, woa-op de verriesenis gesjilderd sjteit. De sjtiel ies hièl opmerkelik en gedörf. De kèrkelike euverheid haet väöl kritiek en lièt de sjtasies in 1949 verbanne. Pas nao 'n restauratie van 't geboew in 1980 kómme ze truuk in de kèrk van Wahlwiller.

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Aad_de_Haas&oldid=457162"