Sjeepsmotor

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

---

Sjeepsmotor (in'ne masjinekamer)

Eine sjeepsmotor deent veur 't aandrieve van ein watervaartuug (sjeep, beut, ongerzeebeut). 't Vermoge weurdj mit de vulgraod van'ne motor geregeldj. De sjnelheid mit 't toeretal.

Inboew van'ne sjeepsmotor in'ne USCGC Bertholf (Amerikaanse kuswach)

Saorte sjeepsmotore

't Ongersjied tösse de versjillendje motore kintj gemaaktj waere nao de energiebron wovan gebroek weurtj gemaaktj.

• Elektromotors, gevoedj oet batterieje of mit aan 't dek geplaatsdje zonne-celle. Ouch de dieselelektrische combinasie net wiej biej treine kumptj veur.
• Sjtoummesjiener,
• Verbranjingsmotors (kiek ouch Sjeepsdiesel),
• gaasturbines,
• sjtoumturbines,
• Magneethydrodynamische aandrieving (toet nog toe mit neet väöl sukses in Japan getestj)

De motore kinne zeen oetgeveurdj es (binnenbaordmotor) of es (boetebaordmotor). Biej binnebaordmotore weurdj 't drejmoment euver ein sjroefas nao de sjeepssjroef of de hydrojet-aandrieving euver gebrach. Biej lóchkössevaartuge weurdj de propellor aangedreve, dae door lóchverplaatsing 't vaartuug aandrief.

Motoreboewers

Dao kinne veer ongersjied make tösse de grote sjeepsmotore die meistal op zjwaore aolie of diesel loupe, en meistal op bezien of diesel loupendje klein sjeepsmotore (veural gebroektj veur motorbeut(jes)). Die letste categorie van motorboewers make ouch allemaol boetebaordmotore.

Grote sjeepsmotore

De belangriekste boewers op dit moment zeen:

• Caterpillar
• Deutz AG
• MAN Diesel
• MTU Friedrichshafen
• Wärtsilä
• SEMT Pielstick

Klein sjeepsmotore

Daovan zeen op dit moment de belangriekste:

• Evinrude
• Honda Marine
• Johnson
• Nissan Marine
• Mercury Marine
• Scania
• Volvo Penta
• VW Marine
• Suzuki Marine
• Yamaha Marine
• Aquamot (elektrische motore)

Anger meugelikhede

sjema van eine kernreactor(in 't Duits)

door kernreaktor aangedreve vleegdeksjeep van U.S. marine

Dao zeen heel grote sjepe, veural marinesjepe, die waere aangedreve door eine nucleaire reaktor, dao in gebeurtj eigelik 'tzelfdje es in ein kerncentrale. Door middel van eine kernreaktor weurdj wermte gemaaktj die weurdj door water gekeuldj, daodoor ontsjtuitj sjtoum, en dae sjtoum drieftj ein sjtoumturbine aan. Den kan door de sjtoumturbine via eine tandjwielkas de sjeepssjroef waere aangedreve, of eine generator, wobiej de opgewekdje sjtroum weurdj gebroektj om de sjeepssjroef elektrisch aan te drieve. Dit type sjepe veltj onger de turbine aangedreve sjepe. Ein paar veurbeeldje zeen de grote Amerikaanse vleegdeksjepe, en de Amerikaanse en Russische ongerzeebeut.